មោទកភាពជាតិ! ប្រាសាទអង្គរវត្តជាប់ចំណាត់ថ្នាក់លេខ ១២ ជាគោលដៅទាក់ទាញទេសចរណ៍ល្អបំផុតលើពិភពលោក

យោងតាមផេកក្រសួងទេសចរណ៍ដែលបានចុះផ្សាយកាលពីពេលថ្មីៗនេះថា ប្រាសាទអង្គរវត្តរបស់ប្រទេសកម្ពុជាយើងគឺបានជាប់ចំណាត់ថ្នាក់លេខ ១២ ជាគោលដៅទាក់ទាញទេសចរណ៍ដ៏ល្អបំផុតនៅលើពិភពលោក។ យើងគ្រប់គ្នាដឹងហើយថា អង្គរវត្តគឺជាប្រាសាទបុរាណដ៏ធំជាងគេបំផុតនៅក្នុងប្រទេសកម្ពុជា ហើយក៏ជាសំណង់សាសនាដែលមានទំហំធំជាងគេបំផុតនៅលើពិភពលោកផងដែរ។ ប្រាសាទនេះមានមាឌដ្ឋានលើផ្ទៃដីទំហំ ១៦២,៦ ហិកតាស្ថិតក្នុងខេត្តសៀមរាប។

ជាមួយនឹងស្ថាបត្យកម្មដ៏អស្ចារ្យ ចម្លាក់ដ៏ប្រណិត និងប្រវត្តិសាស្រ្តដ៏សម្បូរបែប ប្រាសាទអង្គរវត្ត ត្រូវបានគេចាត់ទុកថាជាប្រាសាទអច្ឆរិយៈមានតែមួយគ្មានពីរលើលោក។ ប្រាសាទនេះត្រូវបានកសាងឡើងក្រោមស្នាព្រះហស្ដព្រះបាទសូរ្យវរ្ម័នទី ២ នាដើមសតវត្សទី ១២។ អ្នកប្រាជ្ញបស្ចិមលោកបានសរសើរថា គេមិនដែលឃើញប្រាសាទបុរាណឯណា មានក្បូរក្បាច់ល្អល្អះដូចប្រាសាទអង្គរវត្តនេះឡើយ។ ដូច្នេះហើយក្នុងចំណោមគោលដៅទេសចរណ៍ល្បីៗចំនួន ២៥ ប្រាសាទអង្គរវត្តរបស់យើងគឺបានជាប់ចំណាត់ថ្នាក់លេខ ១២ ជាគោលដៅទាក់ទាញទេសចរណ៍ល្អបំផុតនៅលើពិភពលោក។

ខាងក្រោមនេះគឺជាចំណាត់ថ្នាក់កន្លែងទេសចរណ៍ដ៏ល្អបំផុតនៅលើពិភពលោកប្រចាំឆ្នាំ ២០២៤៖
១.អគារ Empire State របស់សហរដ្ឋអាមេរិក
២. Eiffel tower ប្រទេសបារាំង
៣. Anne frank house ប្រទេសហូឡង់
៤.Basilica de la Sagrada Familia ប្រទេសអេស្ប៉ាញ
៥. Cayman Crystal Caves
៦. Colosseum ប្រទេសអ៊ីតាលី
៧. Louvre Museum ប្រទេសបារាំង
៨. Gardens by the bay ប្រទេសសិង្ហបុរី
៩. Duomo di Milano ប្រទេសអ៊ីតាលី
១០. Sheikh Zayed grand mosque ប្រទេសអារ៉ាប់រួម
១១. Vasa Museum ប្រទេសស៊ុយអែត
១២.Angkor Wat ប្រទេសកម្ពុជា
១៣. Acropolis Museum ប្រទេសក្រិក
១៤. Musee d’orsay ប្រទេសបារាំង
១៥. Pompeii archaeological park ប្រទេសអ៊ីតាលី និងកន្លែងទេសចរណ៍ល្បីៗជាច្រើនទៀត៕