យោងតាម St Headline នៅក្នុងសវនាការកាលពីថ្ងៃទី១៩ ខែមិថុនា Chris Wong ជាមិត្តស្រីរបស់ លោក Lee Lung Kei អតីតតារាសម្តែងជើងចាស់ TVB ត្រូវបានកាត់ទោសឱ្យជាប់គុក ២៥ខែពីបទឧ.ក្រិដ្ឋក.ម្មចំនួន ៧ រួមទាំងការប្រើប្រាស់ឯកសារក្លែងក្លាយ ការផ្តល់ព័ត៌មានក្លែងក្លាយដើម្បីដាក់ពាក្យចូលហុងកុង និងស្នាក់នៅហួសពេលកំណត់។ នៅក្នុងតុលាការនាងបានសារភាពថាបានប្រព្រឹត្តបទឧ.ក្រិដ្ឋហើយបានទទួលយកការកាត់ទោ.ស។
បន្ទាប់ពីចេញពីតុលាការ លោក Lee Lung Kei បានយំ ហើយនិយាយថា លោកមិននឹកស្មានដល់ការកាត់ទោសធ្ងន់បែបនេះទេ។ ទោះបីជាយ៉ាងណាលោកនិងមិត្តស្រីទាំងពីរបានយល់ព្រមមិនប្តឹងឧទ្ធរណ៍។ តារាសម្តែងជើងចាស់រូបនេះបាននិយាយថា៖ «ខ្ញុំនឹងចាំនាងចេញពីគុករៀបការ ខ្ញុំនឹងទៅគុកទៅលេងនាងរាល់ថ្ងៃ»។
Chris Wong វ័យ៣៧ឆ្នាំត្រូវបានចាប់ខ្លួនកាលពីខែកុម្ភៈ។ យោងទៅតាមការស៊ើបអង្កេត នាងបានប្រើប្រាស់សញ្ញាប័ត្រសកលវិទ្យាល័យក្លែងក្លាយពីសាលារៀននៅសហរដ្ឋអាម៉េរិក នៅពេលដាក់ពាក្យសុំចូលជាអាទិភាពក្នុងទីក្រុងហុងកុង។ ក្នុងរយៈពេល ៤ ខែកន្លងមកនេះ Lee Lung Kei បានលុបចោលការងារជាច្រើន ដើម្បីផ្តោតលើការមើលថែមិត្តស្រីរបស់ខ្លួន។ ស្ទើរតែរាល់ថ្ងៃ លោកបានទៅពន្ធនាគារ ដើម្បីពិភាក្សារកដំណោះស្រាយ និងលើកទឹកចិត្តដល់ស្មារតីដល់នាង។
គួរបញ្ជាក់ថាអតីតតារាសម្តែង Lee Lung Kei និង Chris Wong បានស្រលាញ់គ្នាតាំងពីឆ្នាំ២០១៨។ ដើមឡើយអ្នកទាំងពីរគ្រោងនឹងរៀបការនៅចុងឆ្នាំ ២០២៣ ប៉ុន្តែដោយសារសាច់ញាតិខាងស្រីទទួលមរណៈភាព ទើបពិធីមង្គលការត្រូវបានពន្យារពេល។ តារាសម្តែងជើងចាស់រូបនេះលេចមុខលើកញ្ចក់ទូរទស្សន៍ហុងកុង ដែលថតឱ្យ TVB តាំងពីទសវត្សរ៍ឆ្នាំ ១៩៨០ ដោយបានលេចមុខក្នុងស្នាដៃល្បីៗជាច្រើនទៀតនៅប្រទេសចិនផងដែរ។ ក្រៅពីការសម្ដែងលោកក៏ជាអ្នកចម្រៀងដូចគ្នា៕
