តារាសម្ដែងចិន Angelababy ត្រូវរងការរិះគ.ន់ចំពោះការស្លៀកសំលៀកបំពាក់ដែលដូចជាឈុតគេង ខណៈអ្នកខ្លះចាត់ទុកថាជាឈុតមិនសមរម្យក្នុងកម្មវិធីរៃអង្គាសប្រាក់នៅសាលាកូនប្រុសរបស់នាង។ ជាមួយនឹងមតិរិះគន់អ្នកមួយចំនួនក៏បានកោតសរសើរសម្រស់តារាស្រីរូបនេះដូចគ្នាទោះបីជាមើលពីចម្ងាយនៅតែស្រស់ស្អាតដដែល។.png)
យោងតាម Sinchew នាងបានបង្ហាញខ្លួនក្នុងឈុតរ៉ូបផ្កាឡាវេនឌ័រមានដៃអាវតូចស្តើងដូចឈុតរាត្រីនៅក្នុងព្រឹត្តិការណ៍កាលពីថ្ងៃទី៣០ ឧសភា ដោយបានទម្លាក់សក់ និងបំពាក់គ្រឿងអលង្ការភ្លឺចាំងនៅលើថ្ពាល់ឆ្វេងរបស់នាង។ ទោះយ៉ាងណា អ្នករិះគន់តាមប្រព័ន្ធអ៊ីនធឺណិតបានរិះគន់សម្លៀកបំពាក់នេះដោយមានការកត់សម្គាល់មួយថា៖ «សម្លៀកបំពាក់របស់នាងមើលទៅដូចជាឈុតគេង»។ មតិមួយទៀតបានលើកឡើងពីភាពមិនសមរម្យនៃការស្លៀកពាក់គ្មានដៃនៅចំពោះមុខឪពុកម្ដាយខាងប្រុស ដោយបញ្ជាក់ថា៖ «នៅចំពោះមុខឪពុកម្ដាយខាងប្រុស ការស្លៀកពាក់គ្មានដៃគឺមិនសមរម្យ»។
ទោះបីជាមានការរិះគន់ក៏ដោយ ក៏អ្នកផ្សេងទៀតបានការពាររូបរាងរបស់នាង ដោយពណ៌នា Angelababy ថា «ស្រស់ស្អាតគួរឱ្យភ្ញាក់ផ្អើល» ហើយកត់សម្គាល់ថានាងមានភាពស្រស់ស្អាតដ៏អស្ចារ្យសូម្បីតែមើលពីចម្ងាយក្តី។
Angelababy បច្ចុប្បន្នមានអាយុ ៣៥ ឆ្នាំ ជាតារាសម្តែង តារាបង្ហាញម៉ូត អ្នកជំនួញ អ្នកវិនិយោគ និងជាតារាចម្រៀង។ នាងចាប់ផ្ដើមអាជីពកម្សាន្តក្នុងឆ្នាំ ២០០៧ ហើយចាប់តាំងពីនោះមកបានលេចធ្លោក្នុងនាមជាតារាសម្ដែងជួរមុខរបស់ប្រទេសចិន។
កូនប្រុសរបស់នាងជាមួយអតីតស្វាមី Huang Xiaoming គឺជាសិស្សនៅសាលា Shanghai High School International Division ។ សាលានេះបម្រើជាចម្បងដល់សិស្សនៃជនបរទេសនៅទីក្រុងសៀងហៃ គិតថ្លៃសិក្សាប្រចាំឆ្នាំ ១៥០,០០០យន់ (ប្រមាណ២០,០០០ដុល្លារ)។ ការចូលរៀនតម្រូវឱ្យប្រឡងជាប់ជាភាសាចិន គណិតវិទ្យា និងភាសាអង់គ្លេស។
Angelababy និង Huang Xiaoming បានលេចមុខជាសាធារណៈជាមួយនឹងទំនាក់ទំនងរបស់ពួកគេនៅក្នុងឆ្នាំ ២០១៤ រៀបការនៅឆ្នាំ ២០១៥និងបានស្វាគមន៍កូនប្រុសរបស់ពួកគេនៅឆ្នាំ ២០១៧ ។ ពួកគេបានប្រកាសពីការលែងលះនៅឆ្នាំ ២០២២ ហើយកូនប្រុសរបស់ពួកគេមានឈ្មោះហៅក្រៅថា Little Sponge ដែលបច្ចុប្បន្នស្នាក់នៅជាមួយម្តាយ៕
