តារាសម្ដែងហុងកុង Roger Kwok បដិសេធមានទ្រព្យសម្បត្តិជាង១១លានដុល្លារតែអតីតភរិយាគ្មានទ្រព្យក្រោយលែងលះ

តារាសម្តែង Roger Kwok បានអះអាងថាលោកនិងអតីតភរិយាគឺតារាសម្តែងហុងកុង Cindy Au បានយល់ព្រមគ្នាទៅវិញទៅមកលើការបែងចែកទ្រព្យសម្បត្តិបន្ទាប់ពីការលែងលះរបស់ពួកគេដោយលុបបំបាត់ពាក្យចចាមអារ៉ាមថាការបែកគ្នារបស់ពួកគេមានភាពច្របូកច្របល់។

យោងតាម Sinchew ក្នុងអំឡុងពេលព្រឹត្តិការណ៍សារព័ត៌មានសម្រាប់ខ្សែភាពយន្តចុងក្រោយរបស់ខ្លួន តារាសម្ដែងហុងកុង Roger Kwok បានច្រានចោលការចោទប្រកាន់ថាលោកបានផ្ទេរភាគហ៊ុននៅក្នុងក្រុមហ៊ុនថែទាំសុខភាពដែលខ្លួនបានបង្កើតទៅឱ្យបងស្រីរបស់លោកមុនពេលលែងលះ។ លោកបានអះអាងថាទាំងនេះថាជា «ពាក្យចចាមអារ៉ាមមិនពិត» ក្នុងគោលបំណងបង្ហាញថាលោកមានបំណងដកហូតទ្រព្យសម្បត្តិណាមួយរបស់អតីតភរិយា ។

«Cindy Au និងខ្ញុំបានដោះស្រាយបញ្ហាទាំងនេះពីមុន ហើយបានព្រមព្រៀងគ្នាលើការរៀបចំទ្រព្យសម្បត្តិមុនពេលពួកយើងបែកគ្នា ដូច្នេះមិនគួរមានការព្រួយបារម្ភអ្វីឡើយ»។ នេះជាការលើកឡើងរបស់តារាសម្តែងរូបនេះដោយបាននិយាយបន្ថែមថាក្នុងនាមជាបុគ្គលសាធារណៈ លោកនិង Cindy Au មិនមែនជាមនុស្សចម្លែកក្នុងការក្លាយជាប្រធានបទនៃពាក្យចចាមអារ៉ាមនោះទេ។

Roger Kwok បាននិយាយថាអ្នកទាំងពីរ បានសម្រេចចិត្តប្រកាសការបែកគ្នាជាសាធារណៈកាលពីខែមុនព្រោះវាជា «ពេលវេលាសមស្រប» ។ លោកបានបន្ថែមថា «កូនទាំងពីររបស់ពួកគេរស់នៅជាមួយលោក ហើយពួកគេទាំងបីនាក់មានការយល់ដឹងនិងទំនាក់ទំនងល្អ។ តារាសម្តែងវ័យ៦០ឆ្នាំរូបនេះ បញ្ជាក់ថាលោកមានបំណងបញ្ជូនកូនប្រុសច្បងទៅរៀននៅប្រទេសអង់គ្លេសក្នុងពេលឆាប់ៗនេះ។ លើសពីនេះ លោកបានចែករំលែកថា ខ្លួន និងអតីតភរិយានៅតែជាមិត្តនឹងគ្នា និងមានទំនាក់ទំនងវិជ្ជមាន។

គួរបញ្ជាក់ថាកាលពីដើមខែឧសភា នៃដំណឹងលែងលះគ្នា Roger Kwok ត្រូវបានគេរាយការណ៍ថាមានផលប័ត្រដ៏ទូលំទូលាយដែលមានតម្លៃ ៩០ លានដុល្លារហុងកុង ប្រមាណ១១.៥ លានដុល្លារ ដែលមិនមែនជាសហកម្មសិទ្ធិដោយអតីតភរិយា Cindy Au ។ ក្នុងអំឡុងពេលរៀបការរបស់ពួកគេមានការជឿជាក់ខ្ពស់ចំពោះគ្នាទៅវិញទៅមក។ ហេតុដូច្នេះហើយតារាសម្តែង Roger តែម្នាក់ឯងកាន់កាប់កម្មសិទ្ធិលើទ្រព្យសម្បត្តិអាពាហ៍ពិពាហ៍របស់ពួកគេ ដោយ Cindy ជ្រើសរើសមិនធ្វើជាកម្មសិទ្ធិរួមរបស់ពួកគេដើម្បីរារាំងផលវិបាក។

Roger Kwok ជាតារាសម្ដែងដ៏ល្បីមួយរូបរបស់ TVB ដែលល្បីក្នុងការសម្ដែងក្នុងរឿងជាច្រើន។ លោកឈរក្នុងនាមជាតារាសម្ដែងមួយរូបក្នុងចំណោមតារាសម្ដែងមួយចំនួនដែលបានឈ្នះពានតារាសម្ដែងល្អបំផុតក្នុងកម្មវិធី TVB Anniversary Awards ចំនួនបីដង។

Cindy Au មានអាយុ៤៥ឆ្នាំ ចាប់ផ្តើមអាជីពជាអ្នកចម្រៀង មុននឹងប្តូរមកសម្តែង។ នាងទទួលបានភាពល្បីល្បាញសម្រាប់ការសម្តែងរបស់នាងនៅក្នុង «Journey to the West II» ឬយុទ្ធសិល្ប៍ស៊ុនអ៊ូខុង វគ្គ២។ អ្នកទាំងពីរមានទំនាក់ទំនងស្នេហារយៈពេល ៧ ឆ្នាំមុនពេលរៀបការក្នុងឆ្នាំ ២០០៦ ខណៈការលែងលះនេះគឺមានរយៈពេល១៨ឆ្នាំនៃជីវិតអាពាហ៍ពិពាហ៍របស់ពួកគេ៕