Krishnah Gravidez Miss Charm Philippines 2024 ដែលទទួលតំណែងកាលពីឆ្នាំ២០២៣ បានប្រកាសប្រាប់អ្នកគាំទ្រថានាងបានដកខ្លួនចេញពីការប្រកួត Miss Charm international ដែលនឹងរៀបចំឡើងនៅប្រទេសវៀតណាម។ ការប្រកាសដកខ្លួនចេញពីការប្រកួតលើឆាកអន្តរជាតិបវរកញ្ញារូបនេះមិនបានបញ្ជាក់ពីមូលហេតុឱ្យច្បាស់លាស់នោះទេ ។.png)
បវរកញ្ញារូបនេះបានប្រកាសកាលពីល្ងាចថ្ងៃទី២ មិថុនា ថា «ជូនចំពោះអ្នកគាំទ្រកម្មវិធីប្រកួត ជាពិសេសអ្នកគាំទ្ររបស់នាងជាពិសេសដែលបានមើលដំណើររបស់នាង ហើយរង់ចាំ នាងសូមអរគុណចំពោះការរង់ចាំ។ បន្ទាប់ពីការពិចារណាម្តងហើយម្តងទៀត នាងមានការសោកស្ដាយដែលបានប្រាប់អ្នកទាំងអស់គ្នាថានាងបានសម្រេចចិត្តដកខ្លួនចេញពីការប្រកួត Miss Charm International។
Krishnah បានថ្លែងអំណរគុណដល់ស្ថាប័នបវរកញ្ញាចក្រវាលហ្វីលីពីន និងMiss Charm Philippines សម្រាប់ផ្តល់ឱកាសមិនគួរឱ្យជឿដល់នាង ហើយបានសម្តែងការដឹងគុណចំពោះ «បទពិសោធន៍ និងមិត្តភាព» ដែលនាងទទួលបានក្នុងដំណើរប្រកួតវិស័យបវរកញ្ញា។ 
លើសពីនេះ Krishnah បានបន្ថែមចុងក្រោយថា «នៅពេលខ្ញុំចាប់ផ្តើមជំពូកថ្មីនៃជីវិតរបស់ខ្ញុំ ខ្ញុំសង្ឃឹមថានឹងមានការគាំទ្របន្តរបស់អ្នកនៅក្នុងគ្រប់ការខិតខំប្រឹងប្រែងនាពេលអនាគតរបស់ខ្ញុំ»។ ការប្រកាសដំណឹងមិនចូលប្រកួតតំណាងប្រទេសនៅលើឆាកអន្តរជាតិរបស់នាងធ្វើឱ្យអ្នកស្នេហាវិស័យបវរកញ្ញាមានការចាប់អារម្មណ៍យ៉ាងខ្លាំង ខណៈទទួលបានការលើកទឹកចិត្តយ៉ាងច្រើនពីបវរកញ្ញាផ្សេងៗដូចជា
បវរកញ្ញាចក្រវាលហ្វីលីពីនឆ្នាំ 2023 Miss Cosmo Philippines 2024 Miss Supranational Philippines 2023 ជាដើមរួមទាំងអ្នកគាំទ្រក្នុងស្រុកនិងក្រៅស្រុក។ យ៉ាងណាមិញ មូលហេតុជំរុញឱ្យបវរកញ្ញារូបនេះដកខ្លួនចេញពីប្រកួតមិនត្រូវបានទម្លាយនោះទេ។.png)
Krishnah ត្រូវបានជ្រើសរើសជា Miss Charm Philippines 2023 ក្នុងខែឧសភា ឆ្នាំ២០២៣ បន្ទាប់ពីបានជាប់ក្នុង Top 5 នៃការប្រកួត Miss Universe Philippines 2023។ បវរកញ្ញារូបនេះត្រូវតំណាងប្រទេសចូលរួមប្រកួតលើឆាកអន្តរជាតិនៅវៀតណាម។ ក្នុងការប្រកួត Miss Charm 2022 ដែលបានធ្វើឡើងក្នុងខែកុម្ភៈ ឆ្នាំ២០២៣ ហ្វីលីពីនទទួលបានលំដាប់រងទី១។ ទោះបីជាយ៉ាងណាក៏ដោយ មិនទាន់មានព័ត៌មានលម្អិតអំពីកម្មវិធីប្រកួត Miss Charm លើកក្រោយនៅឡើយទេគិតមកទល់នឹងពេលនេះ៕
