ណាប៉ូឡេអុងគឺជាអធិរាជ្យដ៏មានឥទ្ធិពលបំផុតរបស់ប្រទេសបារាំង ដែលលោកបានដឹកនាំប្រទេសបារាំងឱ្យក្លាយទៅជាមហាអំណាចកាន់កាប់តំបន់អឺរ៉ុបស្ទើរតែទាំងអស់កាលពីអំឡុងឆ្នាំ ១៨០៤។ ណាប៉ូឡេអុងត្រូវបានប្រជាជនចាត់ទុកថាជាមេដឹកនាំយោធាដ៏ល្បីល្បាញបំផុតក្នុងប្រវត្តិសាស្ត្រមនុស្សជាតិ និងជានិមិត្តរូបនៃបដិវត្តន៍ប្រឆាំងនឹងរបបរាជានិយម ដែលលោកបានបន្សល់ទុកនូវចំណាប់អារម្មណ៍យ៉ាងខ្លាំងទៅលើប្រាសាទ Fontainebleau មានអាយុកាល ៩០០ ឆ្នាំធ្លាប់ជាលំនៅដ្ឋានរបស់ណាប៉ូឡេអុង។.jpg)
ប្រាសាទ Fontainebleau ត្រូវបានសាងសង់ជាលើកដំបូងក្នុងឆ្នាំ ១១៣៧ ជាកន្លែងស្នាក់នៅរបស់ស្តេច ៣៤ អង្គ និងអធិរាជពីររូប។ វាគឺជាកន្លែងដែលណាប៉ូឡេអុងបានជួសជុលស្ថាបត្យកម្ម និងរស់នៅជាយូរណាស់មកហើយ ដោយរក្សាទុកនូវអនុស្សាវរីយ៍ដែលមិនអាចកាត់ថ្លៃបានជាច្រើនរបស់អធិរាជនេះ។ នៅក្នុងប្រាសាទដ៏អស្ចារ្យយើងបានឃើញឯកសណ្ឋានយោធាផ្ទាល់របស់ណាប៉ូឡេអុង ចានមាស ស្លាបព្រាមាស តុ ទូ និងកៅអីដ៏ប្រណិត ដែលណាប៉ូឡេអុងប្រើពេលនៅបន្ទាយ។ នៅតំបន់មួយទៀតគឺជាបន្ទប់របស់ព្រះចៅអធិរាជ Marie Louise ដែលជាភរិយារបស់ណាប៉ូឡេអុង។ 
បន្ទាប់មកគឺបន្ទប់របស់កូនប្រុសរបស់ពួកគេ គឺណាប៉ូឡេអុង ហ្វ្រង់ស៊ីស យ៉ូសែប ឆាល ដែលបានប្រសូតជាស្តេចនៃទីក្រុងរ៉ូម (Le Roi de Rome) ក្រោយមកបានក្លាយជាណាប៉ូឡេអុងទី ២។ បន្ទប់ទាំងនេះមានសោភ័ណភាពឆើតឆាយ ជាមួយនឹងផ្នែកខាងក្នុងដ៏ប្រណិត និងការតុបតែងយ៉ាងអស្ចារ្យ។ មកុដធ្វើពីឈើដ៏មានតម្លៃ និងលោហៈដ៏ប្រណិតរបស់ព្រះអង្គម្ចាស់ នៅតែមានសភាពដដែល និងល្អឥតខ្ចោះ ដោយបន្ទប់ជាច្រើនត្រូវបានរក្សាទុកក្នុងសភាពដូចកាលណាប៉ូឡេអុងនៅមានជីវិត។ ប្រាសាទ Fontainebleau ក៏រក្សាបន្ទប់ គ្រឿងសង្ហារឹម និងរបស់ប្រើប្រាស់ក្នុងផ្ទះរាប់មិនអស់ពីរាជវង្សមុន និងក្រោយណាប៉ូឡេអុង។ អ្វីដែលគួរឱ្យចាប់អារម្មណ៍បំផុតគឺសាលនៃប្រាសាទដែលមានទំហំជាង ៣០០ ម៉ែត្រការ៉េ គឺជាកន្លែងគ្រួសារអភិជនបារាំងបង្ហាញពីជីវិតរបស់រាជវង្សដែលមានទ្រព្យសម្បត្តិខ្ពស់បំផុត។ 
គំនូរក្នុងបន្ទប់តែមួយ ចង្កៀងមុខដ៏អស្ចារ្យរាប់មិនអស់ ហើយពិដានទាំងមូលត្រូវបានក្រឡោតដោយឈើដ៏មានតម្លៃ និងលោហធាតុដ៏មានតម្លៃ ដែលបង្កើតបានជាសារមន្ទីរសិល្បៈតូចមួយ ធ្វើឱ្យអ្នកទស្សនាមានការរំភើបយ៉ាងខ្លាំងហាក់ដូចជាបានឆ្លងទៅកាន់សម័យបុរាណជំនាន់ណាប៉ូឡេអុងនៅមានជីវិត។ នៅទីធ្លារដ៏ធំល្វឹងល្វើយនេះក៏មានបណ្ណាល័យប្រាសាទដែលផ្ទុកសៀវភៅចំនួន ៤,៥០០ ស្តីពីប្រវត្តិសាស្ត្រ វិទ្យាសាស្រ្ត និងភូមិសាស្ត្រ។ សាលធំពេញទៅដោយពន្លឺ ហើយបន្ទប់ធំៗជាច្រើននៃប្រាសាទសព្វថ្ងៃនេះបានក្លាយទៅជាវិចិត្រសាល ដែលប្រមូលផ្តុំនូវស្នាដៃជាច្រើននៃគំនូរ ចម្លាក់ និងប្រវត្តិសាស្ត្រក្រោមរជ្ជកាលរបស់ស្តេច Francois និង Henri, Louis និង Napoleon។
គួរបញ្ជាក់ដែរថា ប្រាសាទ Fontainebleau ត្រូវបានសាងសង់ជាលើកដំបូងក្នុងឆ្នាំ ១១៣៧ ជាកន្លែងស្នាក់នៅរបស់ស្តេច ៣៤ អង្គ និងអធិរាជពីររូប។ ដូច្នេះហើយកន្លែងនេះគឺមានតួនាទីសំខាន់ណាស់ក្នុងប្រវត្តិសាស្ត្រដ៏អស្ចារ្យបំផុតដែលមិនអាចបំភ្លេចបានរបស់ប្រទេសបារាំង។ បច្ចុប្បន្នប្រាសាទនេះបានបើកជារៀងរាល់ថ្ងៃ ចាប់ពីម៉ោង ៩:៣០ ព្រឹកដល់ ៥:០០ ល្ងាចដោយអ្នកទស្សនាអាចទិញសំបុត្រសារមន្ទីរទីក្រុងប៉ារីស ដើម្បីទៅទស្សនាកន្លែងទេសចរណ៍ល្បីៗចំនួន ៥៥ នៅទីក្រុងប៉ារីសក្នុងតម្លៃសរុបទាបជាងការទិញសំបុត្របុគ្គលទៅកាន់ទីតាំងនីមួយៗ៕
