BTS ឈរនៅចំណាត់ថ្នាក់លេខ១ BLACKPINK នៅលេខ២ ជាសិល្បករ K-Pop ពេញនិយមបំផុតទូទាំងពិភពលោក

ថ្មីៗនេះ ក្រសួងវប្បធម៌ កីឡា និងទេសចរណ៍នៃប្រទេសកូរ៉េខាងត្បូងបានធ្វើការស្ទង់មតិមួយដែលមានចំណងជើងថា 2024 Global Hallyu Survey ដើម្បីទទួលបានការយល់ដឹងអំពីឥទ្ធិពលរីករាលដាលនៃខ្លឹមសារ K-culture នៅទូទាំងពិភពលោក។

ការស្ទង់មតិនេះបានកំណត់គោលដៅប្រជាជនក្នុងប្រទេសចំនួន ២៦ ចាប់ពីអាយុ ១៥ ឆ្នាំ ដល់ ៥៩ ឆ្នាំ ដែលបានទទួលបទពិសោធន៍អំពីខ្លឹមសារវប្បធម៌កូរ៉េ។ ការស្ទង់មតិនេះបានផ្តោតទៅលើបុគ្គលមកពីតំបន់ផ្សេងៗគ្នា ដោយធានានូវការយល់ដឹងដ៏ទូលំទូលាយអំពី Hallyu ឬរលកកូរ៉េ និងផលប៉ះពាល់របស់វា។

ក្នុងការស្ទង់មតិខាង អាស៊ីប៉ាស៊ីហ្វិក មានដូចជា ចិន ជប៉ុន តៃវ៉ាន់ ថៃ ឥណ្ឌូនេស៊ី ម៉ាឡេស៊ី ឥណ្ឌា វៀតណាម កាហ្សាក់ស្ថាន និងអូស្ត្រាលី។ ខាងប៉ែកអាម៉េរិក មានដូចជា សហរដ្ឋអាម៉េរិក កាណាដា ម៉ិកស៊ិក ប្រេស៊ីល និងអាហ្សង់ទីន។ ចំណែកឯខាងប៉ែកអឺរ៉ុប មានដូចជា ចក្រភពអង់គ្លេស បារាំង អាឡឺម៉ង់ អ៊ីតាលី អេស្ប៉ាញ រុស្ស៊ី និងទួរគី។ មជ្ឈិមបូព៌ា មាន២ដូចជា អារ៉ាប់រួម និងអារ៉ាប៊ីសាអូឌីត និងខាងអាហ្រ្វិក មានអាហ្វ្រិកខាងត្បូង និងអេហ្ស៊ីប។
ជាលទ្ធផលនៃការស្ទង់មតិបានបង្ហាញថា ក្រុមចម្រៀងបុរស BTS ឈរនៅចំណាត់ថ្នាក់លេខ១ជាមួយនឹង ២៩.១% ។ ចំណែកក្រុមចម្រៀងនារី BLACKPINK ទទួលបាន ១៣.១%។ តារាច្រៀងទោល Psy មានចំនួន ២.៩% Jungkook (២.៧%) IU (២.១%) TWICE (១.៩%) Lisa (១.៤%)
EXO (១.៣%) G-Dragon (១.៣%) និងក្រុម Stray Kids (១.២%)៕