ប្រិយមិត្តមួយចំនួនធំជ្រាបមកហើយថាម្តាយរបស់លោកថមមី និងត្រូវជាម្តាយក្មេករបស់តារាចម្រៀង សួស វីសា ទទួលមរណភាពក្នុងវ័យ៥០ឆ្នាំដោយរោគាពាធដែលធ្វើឱ្យគ្រួសារសោកស្តាយយ៉ាងខ្លាំង។ ទន្ទឹមនឹងគ្រួសារកំពុងជួបទុក្ខជាទម្ងន់ស្រាប់តែ សួស វីសា ផ្ទុះកំហឹងយ៉ាងខ្លាំងទៅកាន់មនុស្សដែលមានឈ្មោះថា ឡន ដោយថាពេលម្តាយឈឺមិនមកមើលដល់ពេលពេលគាត់ស្លា.ប់ទើបមកសម្តែង។ តារាចម្រៀងរូបនេះបានដាក់ផាំងៗថានាងមានកេរ្តិ៍ឈ្មោះស្រាប់ហើយមិនចាំត្រូវមកសម្តែងក្នុងរូបភាពបែបនេះនោះទេ។
កាលពីថ្ងៃទី១៤ ឧសភា លោកថមមី និងភរិយា ជាតារាចម្រៀង សួស វីសាបានចេញមកប្រកាសពីមរណភាពរបស់ម្តាយ ម្តាយក្មេក យ៉ាងរំជួលចិត្ត ខណៈអ្នកក្នុងចង្កោមសិល្បៈ និងមហាជនបានចូលរួមរំលែកទុក្ខអ្នកទាំងពីរផងដែរ។ មរណភាពម្តាយក្មេក សួស វីសា ក៏បានបង្ហោះសារយ៉ាងសោកសៅថា «កូនប្រសារម្នាក់នេះមានពាក្យច្រើនណាស់ដែលត្រៀមនិយាយជាមួយម៉ែ តែមិនទាន់បាននិយាយផង ម៉ែក៏ទៅចោលកូនបាត់?ហេតុអីលឿនម្ល៉េះ?កូនប្រសារចោលម្សៀតម្នាក់នេះឈឺចាប់ណាស់ម៉ែ.. កូនសុំខមាទោសអ្នកម្តាយក្មេកកំសត់»។
ទន្ទឹមនឹងគ្រួសារកំពុងជួបទុក្ខជាទម្ងន់ សួស វីសា បានចេញមកបង្ហោះសំណេរដោយក្តីខឹងសម្បារព្រោះតែមានគេថានាងសម្តែងពេលម្តាយក្មេកស្លាប់ហើយតែពេលម្តាយក្មេកឈឺមិនទៅមើលគាត់។ នៅយប់ថ្ងៃទី១៥ ខែឧសភា ឆ្នាំ២០២៤ សួស វីសា បានបង្ហោះថា «
ផ្តាំទៅម្នាក់ស្រីឈ្មោះ បងឡន អ្នកឯងថាពេលម៉ែឈឺមិនមកមើល ពេលម៉ែស្លាប់ទើបមកសម្តែង? អានហើយអាសូរអ្នកឯងណាស់ព្រោះខួរអ្នកឯងរាក់គិតបានតែរាក់ៗប៉ុណ្ណឹង!ឬមួយអ្នកឯងធ្លាប់សម្តែងពេលម៉ែអ្នកឯងស្លាប់? មុននឹងថាគេមិនដែលមើលម៉ែពេលឈឺ ឬថាគេមិនដែលរវល់ជាមួយម៉ែ តើអ្នកឯងនៅក្នុងគ្រួសារគេមែន? តើអ្នកឯងដឹងរឿងរាក់ជ្រៅអីខ្លះក្នុងគ្រួសារគេ? មួយទៀតកេរ្តិ៍ឈ្មោះខ្ញុំមាន ស្រាប់ហើយ ដូចនេះគ្មានហេតុផលអីចាំបាច់ត្រូវមកសម្តែង ជាមួយរូបភាពបែបនេះទេ!!» ចង់ផ្តាំទៅអ្នកឯងថាស្គាល់ខ្ញុំឱ្យច្បាស់សិន»។
បន្ទាប់ពីផ្ទុះកំហឹងហើយបង្ហោះសំណេរខាងលើនេះមួយសន្ទុះក្រោយមក សួស វីសា ក៏សម្រេចចិត្តលុបការបង្ហោះនោះវិញផងដែរ៕
