ថ្មីៗនេះ មានករបង្ហោះ និងចែករំលែកយ៉ាងព្រោងព្រៀត នៅលើបណ្តាញសង្គមទាក់ទងនឹងរថយន្តព្រូសពណ៌ស២គ្រឿងមានផ្លាកលេខដូចគ្នា គឺភ្នំពេញ២BH៤៤៩៧។
បើតាមឯកឧត្តម ផន រឹម អ្នកនាំពាក្យ ក្រសួងសាធារណការ និងដឹកជញ្ជូន បានឱ្យដឹងថា៖”យោងតាមការពិនិត្យទិន្នន័យចុះបញ្ជីរបស់រថយន្តខាងលើ មានភិនភាគរថយន្តម៉ាក TOYOTA PRIUS ពណ៌ស ស៊េរី២០១០ បានចុះបញ្ជីក្នុងឆ្នាំ២០២០ ធ្លាប់ធ្វើទុតិយតាបណ្ណម្តង និងផ្ទេរកម្មសិទ្ធិ២ដង ។ មិនធ្លាប់មានធ្វើទុតិយាផ្លាកលេខទេ ។ ត្រង់ចំណុចនេះ យើងអាចសន្និដ្ឋានបឋមបានថា «រថយន្តទាំងពីរ មានមួយពាក់ផ្លាកលេខក្លែងក្លាយ”។
ជុំវិញករណីនេះ ឯកឧត្តម ស្នើឱ្យសមត្ថកិច្ចចរាចរណ៍ផ្លូវគោកមេត្តាឃាត់ទុក ដើម្បីផ្ទៀងផ្ទាល់ឯកសាររកភាពត្រឹមត្រូវ ហើយចំពោះម្ចាស់យានយន្ត ក៏ត្រូវចេញមុខដាក់ពាក្យបណ្តឹងស្វែងរកភាពត្រឹមត្រូវសម្រាប់ខ្លួនឯងផងដែរ៕
