គន្លឹះថែរក្សាខ្ញីឱ្យនៅស្រស់ល្អសម្រាប់ប្រើប្រាស់ពេញមួយឆ្នាំ

ខ្ញីគឺជាអាហារដែលសម្បូរទៅដោយសារធាតុចិញ្ចឹម និងជាអាហារដ៏ពេញនិយមគ្រប់ក្រុមគ្រួសារ។ ទោះជាយ៉ាងណា ខ្ញីទិញជាដុំៗ បើអ្នកមិនចេះរក្សាវាទេ វានឹងពន្លក ឬរួញខ្លាំង ធ្វើឱ្យវាមិនអាចប្រើប្រាស់បាន។ ហេតុនេះប្រសិនបើអ្នកអនុវត្តគន្លឹះថែរក្សាខ្ញីខាងក្រោម អ្នកអាចរក្សាភាពស្រស់ល្អរបស់ខ្ញីឱ្យបានយូរ ដោយមិនបារម្ភពីការខូចគុណភាពឡើយ។

១.រក្សាទុកក្នុងប្រអប់ ជាមួយ baking soda៖ ជាមួយនឹងវិធីរក្សាទុកនេះ សូមចំណាំថា អ្នកមិនគួរលាងសម្អាតខ្ញីដែលបានទិញនោះទេ គឺគ្រាន់តែប្រើក្រណាត់ស្ងួតដើម្បីជូតសម្អាតភាពកខ្វក់លើផ្ទៃខាងក្រៅប៉ុណ្ណោះ ប្រសិនបើត្រូវទឹកវាងាយនឹងខូច។ បន្ទាប់មកប្រើប្រអប់ក្រដាសកាតុងធ្វើកេស ហើយតម្រង់វាជាមួយស្រទាប់កាសែតនៅពីក្រោម រួច ប្រោះម្សៅ baking soda បន្តិចពីលើ។

ហើយដាក់ខ្ញីចូលក្នុងប្រអប់រួចដាក់ក្រដាសមួយស្រទាប់ទៀតពីលើ ហើយប្រោះ baking soda បន្តិច បន្ទាប់មកធ្វើជំហានទាំងនេះរហូតដល់ធុងពេញ។ នៅពេលដែលប្រអប់ពេញ រុំវាក្នុងកាសែតចាស់ បិទប្រអប់ឱ្យតឹង ហើយទុកក្នុងកន្លែងត្រជាក់ ដោយវិធីនេះ ខ្ញីអាចញែកចេញពីខ្យល់ និងរក្សាឱ្យស្រស់បានរយៈពេល ៦ ខែ។

២ .រក្សាទុកជាមួយស្រាស និងថង់ប្លាស្ទិក៖ ស្រាមានប្រសិទ្ធិភាពសម្លាប់បាក់តេរី និងថ្នាំសំលាប់មេរោគ ខណៈពេលដែលអាហាររុំអាចញែកខ្យល់ និងសំណើម ដោយរក្សាខ្ញីឱ្យនៅស្រស់បានយូរ។ ដោយរបៀបធ្វើដំបូង ត្រូវដាក់ទឹកត្រជាក់ចូលក្នុងចានមួយ រួចបន្ថែមអំបិលមួយស្លាបព្រាកាហ្វេ កូរឱ្យសព្វរហូតដល់អំបិលរលាយ ត្រាំខ្ញីរយៈពេល ១០ នាទីបន្ទាប់មកសម្ងួតជាមួយកន្សែងផ្ទះបាយ។ ចាក់ស្រាសដែលមានកំហាប់ខ្ពស់ចូលទៅក្នុងចានមួយ បន្ថែមខ្ញី និងត្រាំរយៈពេលមួយនាទី យកចេញ ហើយទុកក្នុងកន្លែងត្រជាក់ដើម្បីឱ្យស្ងួត។ ប្រើថង់ប្លាស្ទិចដើម្បីគ្របហើយដាក់ក្នុងធុងខ្យល់ ទុកក្នុងកន្លែងត្រជាក់ ខ្ញីអាចរក្សាទុកស្រស់បានមួយខែ៕