ទីបំផុតបេក្ខភាព លាវ វេងហួរ តំណាងកម្ពុជាធ្វើបានសម្រេចហើយនាំយកជ័យជម្នះជូនអ្នកគាំទ្រកម្ពុជាក្លាយជាម្ចាស់ជ័យលាភីក្នុងកម្មវិធី Mister Friendship International ដែលប្រព្រឹត្តទៅនៅប្រទេសថៃ។ ភាពជោគជ័យនេះគឺជាសមិទ្ធផលដ៏ល្អនាំឈ្មោះប្រទេសកម្ពុជាលេចធ្លោនៅលើឆាកអន្តរជាតិ។.png)
Mister Friendship International 2023 បានចាប់ផ្តើមប្រកួតកាលពីថ្ងៃទី៥ ខែធ្នូ រហូតដល់ថ្ងៃទី១៣ ធ្នូ ជារាត្រីផ្តាច់ព្រ័ត្រក្នុងកម្មវិធី ដោយបេក្ខភាពប្រចាំប្រទេសនីមួយៗខិតខំប្រឹងប្រែងអស់ពីសមត្ថភាពក្នុងការប្រកួតប្រជែងទៅលើវិញ្ញាសារផ្សេងៗខណៈនៅយប់ថ្ងៃផ្តាច់ព្រ័ត្របេក្ខភាពបានដើរបង្ហាញពីឈុតតំណាងជាតិ ឈុតហែលទឹក និងការឆ្លើយសំណួរគណៈកម្មការទៅលើបេក្ខភាពដែលបានចូលTOP។
ក្នុងនោះបេក្ខភាពកម្ពុជាលោក លាវ វេងហួរ បានចូលជាប់ចំណាត់ថ្នាក់TOP10 នៅក្នុងកម្មវិធីរហូតបានជាប់ចំណាត់ថ្នាក់TOP5 ក្នុងការប្រកួត។ បន្ទាប់ពីឆ្លើយសំណួរដែលមានរយៈពេល១នាទី ពោរពេញដោយភាពច្បាស់លាស់អត្ថន័យត្រឹមត្រូវបេក្ខភាពកម្ពុជាបានក្លាយជាម្ចាស់ជ័យលាភីនៅក្នុងកម្មវិធីនេះ។ ចម្លើយរបស់ វេងហួរ ក្នុងវគ្គTOP5 លោកបានឆ្លើយថា
ប្រសិនបើលោកឈ្នះតំណែងក្នុងកម្មវិធី Mister Friendship International លោក នឹងប្រើតំណែងក្នុងកម្មវិធីនេះដើម្បីផ្សព្វផ្សាយនូវគំនិតមួយចំនួនដែលខ្លួនជឿជាក់ថាវានឹងក្លាយជាការពិតនៅក្នុងចិត្តរបស់លោកហើយគំនិតនិងជំនឿទាំងនោះគឺមាននៅក្នុងភាពចម្រុះ ហើយមានតែភាពចម្រុះប៉ុណ្ណោះដែលធ្វើឱ្យយើងបង្កើតពិភពលោកក្លាយទៅជាកន្លែងដែលល្អប្រសើរ។.jpg)
លោក លាវ វេងហួរ បានបន្តទៀតថា ភាពចម្រុះទាំងនោះមាននៅក្នុងយេនឌ័រ សាសនា ជាតិសាសន៍ ពូជសាសន៍ និងភាពចម្រុះបែបដែលមាននៅក្នុងគំនិតនិងជនឿ មនុស្សគ្រប់គ្នាគឺខុសប្លែកពីគ្នា ប្រសិនជាយើងចង់ស្វែងយល់ពីគ្នាទៅវិញទៅមក លោកនឹងប្រើតំណែងមួយនេះដើម្បីផ្សព្វផ្សាយនិងគាំទ្រការអបអរពីភាពចម្រុះបែបនៅទូទាំងពិភពលោក។
ការផ្តល់ចម្លើយដ៏មានអត្ថន័យនេះ វេងហួរ បានឆាបឆក់ដួងចិត្តពីទស្សនិកនិងគណៈកម្មការផងដែរ។ ក្រៅពីទទួលជ័យលាភីឯក បេក្ខភាពកម្ពុជាក៏បានឈ្នះក្នុងតំណែង Mr Popular , Best Swimsuit ។
គួរបញ្ជាក់ថា កម្ពុជាបានឈ្នះជ័យលាភីឯក ខណៈលំដាប់រងទី១ បានទៅលើ តៃវ៉ាន់ លំដាប់រងទី២ ឥណ្ឌូនេស៊ី លំដាប់រងទី៣ ឥណ្ឌា លំដាប់រងទី៤ សាធារណរដ្ឋឆែក៕
