កាលពីដើមខែនេះ ឧស្សាហកម្មកម្សាន្តកូរ៉េ និងអ្នកគាំទ្ររបស់ Ahn Bo Hyun និង Jisoo សមាជិកក្រុម BLACKPINK ទូទាំងពិភពលោកមានការភ្ញាក់ផ្អើលយ៉ាងខ្លាំងបន្ទាប់ពីទទួលដំណឹងថាតារាទាំងពីរដួងនេះកំពុងមានទំនាក់ទំនងស្នេហាជាមួយគ្នា។ ខណៈពេលដែលអ្នកគាំទ្រជាច្រើនបានអបអរសាទរអ្នកទាំងពីរ ក៏មានអ្នកខ្លះទៀតបានសម្តែងអារម្មណ៍មិនពេញចិត្តចំពោះព័ត៌មាននេះដូចគ្នា។ មិនត្រឹមតែប៉ុណ្ណោះពេលនេះអ្នកនិយមលេងអ៊ីនធឺណិតចាប់ផ្តើមមិនពេញចិត្ត និងស្អប់ទៅលើតារាប្រុសខាងលើនេះ។
ប្រភពពី Allkpop ចេញផ្សាយថ្ងៃទី១៦ សីហា នេះបានឱ្យដឹងថាអ្នកលេងបណ្តាញសង្គមកូរ៉េបង្ហាញការខឹងស្អប់ច្រើនទៅលើ Ahn Bo Hyun ដោយបានបញ្ចេញមតិថា Jisoo អ្នកអាចធ្វើបានល្អជាងនេះ ដែលចង់សម្តៅថា Jisoo អាចរកបុរសល្អជាងនេះទព្រោះនាងជាតារាលំដាប់ទៅហើយ។ អ្នកខ្លះទៀតបានសរសេរថារូបគេខកចិត្តដែលនាងកំពុងទាក់ទងជាមួយ Ahn Bo Hyun រួមទាំងមតិយោបល់ជាច្រើនទៀតដែលពួកគេបានជជែកវែកញែក ខណៈដែលគេសង្កេតឃើញថាតួឯកប្រុសរូបនេះមិនបាន Follow មិត្តស្រី និងនិយាយអ្វីឡើយបន្ទាប់ពីផលិតកម្មប្រកាស ទំនាក់ទំនងស្នេហាគេ។
ទន្ទឹមនឹងអ្នកលេងបណ្តាញសង្គមផ្ទុះការមិនពេញចិត្តចំពោះ Ahn Bo Hyun ក៏មានអ្នកគាំទ្រចេញមកការពារតារាប្រុសវ័យ៣៥ឆ្នាំរូបនេះផងដែរ ដោយពួកគេលើកឡើងថា តារាប្រុសរូបនេះសម្តែងបានល្អហើយបុគ្គលិកលក្ខណៈរបស់គេហាក់ដូចជាមនុស្សមានចិត្តសប្បុរស បើសិនជាមិនមានការពេញចិត្តចំពោះទំនាក់ទំនងពួកគេមែន មិនមែន IG របស់ Ahn Bo Hyun កើនឡើងយ៉ាងឆាប់រហ័សនោះទេគ្រាន់តែធ្លាយដំណឹងពួកគេទាក់ទងភ្លាមខាងប្រុសកើន Followers ដល់ទៅ ២ លាននាក់ទេ សូមអ្នកលេងអ៊ីនធឺណិតកុំជ្រួលច្របល់ពេក៕
