ស្នេហាប្រេះឆារវាងតារាប្រុស Tongtong Kitsakorn និងតារាស្រី Best Rakwanee Kamsing
កំពុងតែក្លាយជាប្រធានបទក្តៅគគុកនៅលើក្នុងបណ្តាញសង្គមថៃពីទំនាក់ទំនងរវាងអ្នកទាំងពីរ ចំណងស្នេហ៍រយៈពេល២ឆ្នាំត្រូវបញ្ចប់ថែមទាំងខាងប្រុសរងភាពអាម៉ាសមិនស្ទើរក្រោយឪពុកខាងស្រីដែលជាតារាសម្តែងមួយរូបគឺលោក Kamsing ចេញមកបកអាក្រាតចរិតរបស់តារាប្រុស TongTong ។
ទីបំផុតអ្វីដែលអ្នកគាំទ្រសង្ស័យពីទំនាក់ទំនងប្រេះឆារវាងតារាថៃ Tongtong និងតារាស្រី Best បានក្លាយជាការពិតហើយបន្ទាប់ពីឪពុកខាងស្រីចេញមកបញ្ជាក់លើរឿងនេះថាអ្នកទាំងពីរពិតជាបានបែកគ្នាមែន។ ប៉ុន្តែខាងប្រុសនៅមកតាមលួងខាងស្រីសុំត្រូវគ្នាវិញ ហើយសុំឱ្យប៉ាខាងស្រីជួយនិយាយ ដែលកាលពីមុនពួកគេក៏មានបញ្ហាជាមួយគ្នាដែរតែមានការសម្របសម្រួលទើបមិនមានបញ្ហា។
អ្វីដែលកាន់តែធ្វើឱ្យអ្នកគាំទ្រហួសចិត្តនោះលោក Kamsing ជាឪពុករបស់ Best បានទម្លាយថា Tongtong គ្មានភាពជាសុភាពបុរសទេ មកនៅផ្ទះខាងស្រី២ឆ្នាំ ថ្លៃទឹក ថ្លៃភ្លើង ពេលទៅញុំាអាហារជប៉ុន….គឺខាងស្រីជាអ្នកចេញទាំងអស់ ថែមទាំងពេលខ្លះខ្ចីលុយខាងស្រីរាប់លាបបាតទៀត។ មិនត្រឹមតែរឿងនេះទេ TongTong ថែមទាំងលាដៃចង់ទះ Best ពេលពួកគេឈ្លោះគ្នានៅក្នុងផ្ទះ ហើយថែមទាំងលួចលាក់មានស្រីទៀត ព្រមទាំងមានរឿងជាច្រើនទៀតពីចរិតមិនល្អរបស់តារាប្រុស TongTong ។ នេះជាការលើកឡើងរបស់ឪពុក Best នៅក្នុងបទសម្ភាសមួយ។.jpg)
យ៉ាងណាមិញមកទល់ពេលនេះ តារាស្រី Best បានលុបរូបគូជាមួយ TongTong នៅលើគណនី IG ហើយ ប៉ុន្តែខាងប្រុសនៅមិនទាន់លុបរូបគូនៅឡើយទេ និងមិនទាន់មានការបកស្រាយណាមួយជុំវិញរឿងនេះឡើយ៕.jpg)
