ប្លែកណាស់ មើមឆៃថាវមានរាងដូចជើងមនុស្ស

ទេសជប៉ុន ៖ វាបានធ្វើឱ្យបណ្តាញផ្សព្វផ្សាយសង្គមមានការភ្ញាក់ផ្អើលជាខ្លាំង ខណៈតាយាយ២នាក់បាននាំគ្នាជីកដីហើយឃើញមើមឆៃថាវមានរាងដូចជើងមនុស្ស និងមានម្រាមជើងទាំងសងខាងទៀតផង ។

មើមឆៃថាវមានរាងដូចជាងមនុស្សបានធ្វើឱ្យអ្នកលេងបណ្តាញសង្គមអស់សំណើចជាខ្លាំង ក្រោយពីឃើញគេចែកចាយព័ត៌មាននេះតៗគ្នាអំពីតាយាយ២នាក់ ព្រមទាំងចៅៗជនជាតិជប៉ុននាំគ្នាប្រមូលផលឆៃថាវក្នុងចម្ការរបស់ខ្លួន ។

មើមឆៃថាវនេះមានរូបរាងដូចជើងមនុស្សខ្លាំងណាស់ តាំងពីភ្លៅរហូតដល់ម្រាមជើង ព្រមទាំងមានម្រាមជើងគ្រប់ទាំងសងខាងទៀតផង ។ អ្នកលេងបណ្តាញសង្គមនិយាយថា វាជាមើមឆៃថាវមួយ មិនដូចមើមឆៃថាវផ្សេងទៀតនៅប្រទេសជប៉ុន ។

ក្រោយពីបណ្តាញព័ត៌មានសង្គមនៅជប៉ុននាំគ្នាចែកចាយរូបភាពនេះ មានមនុស្សជាច្រើនបានបញ្ចេញមតិថា ពួកគេមិនហ៊ានបរិភោគវាទេ ។ ជាមួយគ្នានេះ គេបានបង្ហោះវីដេអូឃ្លីបមួយអំពីយាយ និងចៅនាំគ្នាជួយទាញមើមឆៃថាវចេញពីដីផងដែរ ។

អ្នកជំនាញបានបញ្ចេញមតិថា នៅប្រទេសជប៉ុនបានផលិតពុម្ពគំរូជារូបរាងផ្សេងៗ ដោយពលរដ្ឋជប៉ុនអាចធ្វើឱ្យបន្លែ និងផ្លែឈើផ្សេងៗរបស់ពួកគេចេញទិន្នផលជារូបរាងតាមពុម្ពនោះ ។ នាពេលកន្លងមក គេក៏បានឃើញការបង្ហោះរូបភាពនៅចម្ការឪឡឹកមួយកន្លែងផងដែរ ដែលឪឡឹកចេញផ្លែមកមានរូបរាង៤ជ្រុង ។ ដូច្នេះ មិនមែនជារឿងចម្លែកទេ វាគឺជាសិល្បៈនៃការដាំដុះបន្លែ និងផ្លែឈើរបស់ពលរដ្ឋជប៉ុន ៕ ប្រភព ៖ khaosod