ករណីពស់ចឹកគឺជាគ្រោះថ្នាក់ដ៏រន្ធត់មួយដែលបងប្អូនប្រជាពលរដ្ឋខ្មែរតែងតែជួបប្រទះជាញឹកញយ ពោលគឺនៅតាមតំបន់ដាច់ស្រយ៉ាល ស្រែចម្ការតាមទីជនបទ តែទោះបីជាយ៉ាងណាពស់ដែលមានពិស គឺគេឃើញមានរស់នៅគ្រប់កន្លែងមិនថានៅតាមទីជនបទឬនៅទីក្រុងនោះឡើយ ពិសេសនៅរដូវទឹកឡើងនាពេលនេះ ឧស្សាហ៍ឃើញមានករណីពស់ចឹកណាស់ ប្រសិនបើយើងជួយសង្គ្រោះ មិនទាន់ទេ នឹងបណ្តាកលឲ្យប៉ះពាល់ដល់អាយុ ជីវិតជាជាពុំខាន។
នៅកម្ពុជា សត្វពស់បានសំគាល់ឃើញថា មានពស់ពិស១២ ប្រភេទដែល បង្ករឲ្យមានគ្រោះថ្នាក់ដល់មនុស្ស។ ក្នុងនោះពស់៦ ប្រភេទដែលបង្ករគ្រោះថ្នាក់ញឹកញាប់ដោយសារវារស់នៅជិតៗភូមិដ្ឋានយើងមានៈ
- ពស់វែកក្របី
- ពស់វែកដំបូក
- ពស់ហនុមាន
- ពស់ក្រាយឬថ្នាំងអំពៅសខ្មៅ
- ពស់បៃតង ២ប្រភេទទៀត
មាន ៥ ប្រភេទទៀតវាច្រើនរស់នៅក្នុងព្រៃឆ្ងាយពីភូមិៈ
- ពស់វែករនៀម
- ពស់ពព្លាក់
- ពស់ស្រកាចាស
- ពស់ក្រាយ លឿងខ្មៅ
- ពស់ក្រាយក្បាលក្រហម ពស់ទី១២ គឺពស់សមុទ្រ ដែលអាចបង្ករគ្រោះថ្នាក់ដល់អ្នកនេសាទសមុទ្រ៕
ប្រភព៖ ពេទ្យកាលម៉ែត្រ
