អាជ្ញាធរខេត្តពោធិ៍សាត់ នឹងបន្ថែមរូបដំរីចំនួន៥០០ទៀត នៅរង្វង់មូលដំរី៥ ក្នុងឃុំប្រម៉ោយ ស្រុកវាលវែង

ភ្នំពេញ៖ អាជ្ញាធរខេត្តពោធិ៍សាត់ បានបញ្ជាក់ឱ្យដឹងថា នឹងបន្ថែមរូបដំរីចំនួន៥០០ ថែមទៀតនៅរង្វង់មូលដំរី៥ ដែលមានទីតាំងប្រសព្វផ្លូវជាតិលេខ៥៥ និងផ្លូវលេខ១០ ស្ថិតក្នុងឃុំប្រម៉ោយ ស្រុកវាលវែង ។ ក្រោយបន្ថែមរួចរង្វង់មូលនេះនឹងក្លាយជារង្វង់មូល «ដំរីប្រាំរយប្រាំ»។

រង្វង់មូលនេះ ធ្វើឡើងសម្រាប់ជានិម្មិតរូបរបស់ស្រុកវាលវែងហើយក៏ទុកជាទីសក្ការៈបូជា និងតំណាងឲ្យ ១) ភាពត្រជាក់ត្រជំ (តំណាងទឹកភ្លៀង ជួយដល់ផលដំណាំ…)។ ២) ភាពសាមគ្គីរឹងមាំ (តំណាងសាមគ្គី១០ ជ័យជម្នះ១០…)។ ៣) ភាពស្មោះត្រង់ការពារ (តំណាងភាពស្មោះស្ម័គ្រការពារបូរណភាពទឹកដីមិនឲ្យមានការបាត់បង់ទឹកដីបន្ថែមទៀត…។នេះជាការបញ្ជាក់បន្ថែមពីអាជ្ញាធរខេត្តពោធិ៍សាត់។
ទន្ទឹមនិងនោះអាជ្ញាធរខេត្តពោធិ៍សាត់ ក៏បានអំពាវនាវដល់សារធារណៈជនទាំងអស់ ជួយចូលរួមកសាងរូបដំរី៥០០នេះ សម្រាប់ជាតំបន់ទេសចរណ៍និងប្រវត្តិសាស្រ្ត សម្រាប់ទឹកដីជាប់ព្រំដែនមួយនេះ៕