មណ្ឌលគិរី៖ បុគ្គលិកសិក្សា នៃវិទ្យាល័យ ហ៊ុន សែន មណ្ឌលគិរី បានដាក់លិខិតស្នើសុំកិច្ចអន្ដរាគមន៍ពីលោក ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា បង្ហាញការមិនពេញចិត្តចំពោះការដឹកនាំរបស់លោក ឃុត តូ នាយកសាលា និងស្នើសុំដើម្បីធ្វើការរៀបចំបោះឆ្នោតជ្រើសរើសនាយករងរដ្ឋបាលថ្មី ក្រៅពីឈ្មោះ ប៊ុន បញ្ញា ហើយសូមឲ្យមានការចូលរួមបោះឆ្នោតពីសំណាក់លោកគ្រូ អ្នកគ្រូ និងប្រកាសលទ្ធផលដោយផ្ទាល់។
ក្នុងលិខិតអន្ដរាគមន៍ដាក់ទៅរដ្ឋមន្ដ្រីក្រសួងអប់រំ ដែលបណ្ដាញព័ត៌មានទទួលបាននៅព្រឹកថ្ងៃទី១២ ខែធ្នូ ឆ្នាំ២០២២នេះ បុគ្គលិកសិក្សា នៃវិទ្យាល័យ ហ៊ុន សែន មណ្ឌលគិរី បានអះអាងថា លោក ប៊ុន បញ្ញា មានការជ្រើសរើសដោយអត្តនោម័តពីលោក ឃុត តូ មិនបានសាកសួរយោបល់បុគ្គលិក ឬបោះឆ្នោតជ្រើសរើសតាមនីតិវិធីអ្វីនោះឡើយ។
ម្យ៉ាងទៀត លោក ប៊ុន បញ្ញា មិនមែនជាប្រធានក្រុមបច្ចេកទេសរួម ហើយមិនមែនជាប្រធានក្រុមបច្ចេកទេសមុខវិជ្ជាដែរ ផ្ទុយទៅវិញ លោក ប៊ុន បញ្ញា ជាបក្ខពួក ជាដៃជើងរបស់នាយកតែម្ដង។ ដូច្នេះហើយពួកគាត់មិនយល់ស្រប និងការជ្រើសរើសដូចនេះទេ ហើយដើម្បីអង្គភាពទាំងមូល ក៏ដូចជាដើម្បីសិស្សានុសិស្សទាំងអស់ដែលគ្នាមានជីវភាពខ្វះខាត បានមកសិក្សាដោយស្មើភាព តម្លាភាព និងយុត្តិធម៌ផង។
ខាងក្រោមនេះ ជាលិខិតអន្ដរាគមន៍របស់ បុគ្គលិកសិក្សា នៃវិទ្យាល័យ ហ៊ុន សែន មណ្ឌលគិរី៖
