តារាសម្ដែងចិន Esther Yu ត្រូវបានទស្សនិកជនជាច្រើនជឿថានាងមានជម្លោះជាមួយក្រុមការងារភាពយន្ត«Speed and Love» ដោយផ្អែកលើការបង្ហោះជាច្រើនរបស់នាងនៅលើប្រព័ន្ធផ្សព្វផ្សាយសង្គម។

យោងតាមប្រព័ន្ធផ្សព្វផ្សាយចិនបានរាយការណ៍កាលពីថ្ងៃទី៦ ខែធ្នូ Esther Yu បានបង្ហោះពី អារម្មណ៍សោកសៅក្រោយមក នាងបានសរសេរថា «នៅលើផ្លូវឆ្ពោះទៅរកភាពពេញវ័យ អ្នកប្រាកដជាប្រឈមមុខនឹងភាពអយុត្តិធម៌ និងការលំបាកមួយចំនួន។ ប៉ុន្តែខ្ញុំនឹងព្យាយាមឱ្យអស់ពីសមត្ថភាពសម្រាប់អ្នករាល់គ្នា។ កុំបារម្ភច្រើនពេក»។

ការបង្ហោះរបស់នាងទាក់ទាញចំណាប់អារម្មណ៍យ៉ាងខ្លាំង ដោយទទួលបានមតិរាប់ពាន់ពីអ្នកគាំទ្រ។ មនុស្សជាច្រើនបានសម្ដែងការព្រួយបារម្ភចំពោះសុខភាពផ្លូវចិត្តតារាស្រីរូបនេះ។ ពាក្យគន្លឹះ «តើមានអ្វីកើតឡើងជាមួយ Esther Yu?» បានកើនឡើងយ៉ាងឆាប់រហ័សក្លាយជាកំពូលនៃប្រធានបទដែលត្រូវបានគេស្វែងរកច្រើនបំផុតនៅលើប្រព័ន្ធផ្សព្វផ្សាយសង្គមចិន Weibo ដែលមានអ្នកចូលមើល ១៥០ លានដងក្នុងមួយថ្ងៃ។

ការស្មាននៅលើប្រព័ន្ធអ៊ីនធឺណិតពួកគេគិតថា Esther Yu បង្ហាញពីសញ្ញាទុក្ខព្រួយបន្ទាប់ពីមានការមិនចុះសម្រុងជាមួយក្រុមការងារ ។ ប្រភពអះអាងថា តារាស្រីរូបនេះត្រូវបានគេបោកឱ្យចុះកុងត្រា។ នាងត្រូវបានគេសន្យាថានឹងសម្ដែងជាតួឯកក្នុងបញ្ជី A ប៉ុន្តែនៅពេលចាប់ផ្ដើមថត នាងបានរកឃើញថាដៃគូសម្តែងរបស់នាងជាតារាសម្ដែង He Yu ជាតារាសម្ដែងក្នុងបញ្ជី B ដែលមានកេរ្តិ៍ឈ្មោះល្បីតិចជាងនាង។ នាងត្រូវបានគេរាយការណ៍ថាចង់ឈប់ថត ប៉ុន្តែដោយសារកុងត្រានាងគ្មានជម្រើសអ្វីក្រៅពីបន្ត។ ជាងនេះទៅទៀត ក្នុងអំឡុងពេលដំណើរការថត ក៏មានសេចក្តីរាយការណ៍ថា និងអ្នកដឹកនាំរឿងមានជម្លោះជាច្រើន សូម្បីតែឈ្លោះគ្នាយ៉ាងក្តៅគគុក ដែលធ្វើឱ្យប៉ះពាល់ដល់កាលវិភាគថត។

ក្រោយការបង្ហោះរបស់តារាសម្ដែងរូបនេះ អ្នកគាំទ្ររបស់ Esther Yu បានបង្ហោះ និងចោទសួរអ្នកផលិតរឿង។ ទោះបីជាយ៉ាងណាមកដល់ពេលនេះ ក្រុមការងារភាពយន្តនៅមិនទាន់មានការឆ្លើយតបទេ។

Esther Yu មានអាយុ២៩ ឆ្នាំទទួលបានភាពល្បីល្បាញក្នុងនាមជាអតីតសមាជិកក្រុម The9 ដែលជាក្រុមនារីគម្រោងពីកម្មវិធី «Youth With You 2»អតីតកូនសិស្សរបស់ Lisa សមាជិក BLACKPINK។ បើតាមកាសែត South China Morning Post បានរាយការណ៍ថា ឪពុករបស់នាងគឺជាមហាសេដ្ឋីរ៉ែ ហើយជីតារបស់នាងគឺជាប្រធានសាជីវកម្មដែក។ ទ្រព្យសម្បត្តិសុទ្ធរបស់គ្រួសារនាងត្រូវបានគេប៉ាន់ស្មានថាមានចំនួន ៤០ ពាន់លានយន់ ប្រមាណ ៥.៦ ពាន់លានដុល្លារ៕

បវរកញ្ញា Safiétou Kabengele ដែលជា Miss Grand បារាំង និងបានជាប់លំដាប់រងទី៣ Miss Grand International (MGI) ឆ្នាំ២០២៤ បានរិះគន់ជាសាធារណៈចំពោះម្ចាស់ជ័យលាភMGI2024 Rachel Gupta ចំពោះអាកប្បកិរិយាមិនល្អរបស់នាងនៅលើបណ្តាញសង្គម។ ក្រោយពីទម្លាយរឿងនេះរួចអ្នកគាំទ្រក៏បានកត់សម្គាល់ដែរថាទំនាក់ទំនងរបស់អ្នកទាំងពីរមើលទៅពិតជាមិនចុះសម្រុងគ្នាមែន។

នៅថ្ងៃទី៦ ខែធ្នូ Miss Grand បារាំង បានបង្ហោះនៅលើគណនី Instagram ថា Rachel មិនគោរពនាងនៅចំពោះមុខក្រុម MGI និងបវរកញ្ញាម្ចាស់ជ័យលាភីផ្សេងទៀត ហើយនាងមិនសម្តែងធ្វើជាមានអ្នកទំនាក់ទំនងដែលធ្វើឱ្យនាងឈឺចាប់នោះទេ នាងគឺជានាង។ ទោះបីជាព័ត៌មានលម្អិតនៃឧប្បត្តិហេតុនេះនៅតែមិនច្បាស់លាស់ក៏ដោយ អ្នកនិយមលេងអ៊ីនធឺណិតជាច្រើនបានកត់សម្គាល់ពីអាកប្បកិរិយាដ៏ត្រជាក់រវាងអ្នកទាំងពីរក្នុងអំឡុងពេលសកម្មភាពដែលពាក់ព័ន្ធនឹងបេក្ខជនចុងក្រោយទាំង១០ នៅឯការប្រលង MGI ឆ្នាំ២០២៤ ។
លើសពីនេះទៀត ទំនាក់ទំនងរបស់ពួកគេទាំងក្រៅបណ្តាញ និងនៅលើប្រព័ន្ធផ្សព្វផ្សាយសង្គមមានតិចតួចបំផុត។ ការបង្ហោះរបស់ Miss Grand បារាំង បានធ្វើឱ្យមនុស្សជាច្រើនមានការភ្ញាក់ផ្អើល ទោះបីជាអ្នកខ្លះគាំទ្រភាពស្មោះត្រង់របស់នាងក៏ដោយ ដោយជឿថា ដោយសារតែនាងមិនបានចុះហត្ថលេខាលើកិច្ចសន្យាជាមួយអ្នករៀបចំកម្មវិធីប្រកួត នាងមានសិទ្ធិបញ្ចេញអារម្មណ៍ និងយោបល់ផ្ទាល់ខ្លួនរបស់នាង។

ផ្ទុយទៅវិញ នៅពេលសួរអំពីទំនាក់ទំនងរបស់នាងជាមួយនឹងតំណាងប្រទេសមីយ៉ាន់ម៉ា Thae Su Nyein នោះ Safiétou បានបង្ហើបថា ពួកគេនៅតែទាក់ទងគ្នា ហើយថានាងស្រឡាញ់នាង។ បវរកញ្ញាមីយ៉ាន់ម៉ាបានចែករំលែកការបង្ហោះរបស់ Miss Grand បារាំង នៅលើប្រព័ន្ធផ្សព្វផ្សាយសង្គមរបស់នាងយ៉ាងឆាប់រហ័សដោយបង្ហាញថានាងក៏នឹក Safiétou ដូចគ្នា។

Safiétou Kabengele មានអាយុ២៦ ឆ្នាំមានដើមកំណើតបារាំង និងសេណេហ្គាល់។ នាងបានគ្រងមកុដ Miss Grand France ឆ្នាំនេះ ហើយក្រោយមកបានតំណាងប្រទេសរបស់នាងក្នុងការប្រកួត MGI ឆ្នាំ២០២៤ដោយបានជាប់លំដាប់រងទី៣នៅក្នុងការប្រកួតនេះ។

គេចាំបានដែរថា អត្តចរិតរបស់ Rachel ម្ចាស់មកុដ MGI 2024 ក៏ត្រូវបានទស្សនិកជនរិះគន់ដូចគ្នានៅពេលដែលនាងជាបវរកញ្ញាមួយរូបប្រើអាកប្បកិរិយាមិនសមរម្យនិយាយផ្លែផ្កាមកខាងកម្ពុជាពីរឿងសណ្តែកដី។ អ្នកខ្លះក៏បង្ហាញការខកចិត្តសោកស្តាយដែលធ្លាប់អាណិតស្រលាញ់បវរកញ្ញាឥណ្ឌានេះប៉ុន្តែនាងបានផ្លាស់ប្តូរអត្តចរិតនៅពេលបានគ្រងមកុដ៕

កាលពីថ្ងៃទី៩ ខែធ្នូ ផលិតកម្ម YG បានបង្ហាញពីវីដេអូចម្រៀងសម្រាប់បទ «Clik Clak » របស់ BABYMONSTER មានការចូលមើលលើសពី ១០០ លានដងនៅលើ YouTube ។ គួរកត់សម្គាល់ថាវីដេអូនេះសម្រេចបាននូវចំណុចសំខាន់នេះត្រឹមតែ ៤១ ថ្ងៃបន្ទាប់ពីការចេញផ្សាយរបស់វា ដែលបានក្លាយជាវីដេអូទី ៨ របស់ក្រុមនេះដែលមានអ្នកចូលមើលលើសពី ១០០ លានដង។

ជាពិសេស ដោយឃើញតែរូបភាពស ខ្មៅ ក៏មិនច្របូកច្របល់នោះ MV នេះនៅតែទទួលបានការចាប់អារម្មណ៍ពីមហាជនដដែល។ ព័ស្តុតាងគឺថាបន្ទាប់ពីការចេញផ្សាយរបស់វា «Clik Clak» បានចូលទៅក្នុងបញ្ជីនៃ «វីដេអូដែលបានមើលច្រើនបំផុតក្នុងរយៈពេល ២៤ម៉ោង» នៅលើ YouTube ហើយបានរក្សាតំណែងរបស់ខ្លួននៅក្នុងចំណាត់ថ្នាក់ប្រចាំថ្ងៃកំពូលទាំង១០ របស់វេទិកាសម្រាប់រយៈពេលបួនថ្ងៃជាប់គ្នា។ មិនត្រឹមតែប៉ុណ្ណឹង ឆាណែល YouTube ផ្លូវការរបស់ BABYMONSTER ក៏មានអ្នក Subscribe លើសពី ៧.៦៨ លាននាក់ ជាមួយនឹងចំនួនទស្សនាសរុបជិត ៣.៣ ពាន់លានដង ដែលបង្ហាញពីឥទ្ធិពលដ៏លើសលប់របស់ក្រុមក្នុងនាមជាតារា Kpop នៅលើវេទិកានេះ។

ក្នុងពេលឆាប់ៗនេះ សមាជិកទាំង៧នាក់ របស់ BABYMONSTER នឹងចាប់ផ្តើមដំណើរទេសចរណ៍ពិភពលោកលើកដំបូងនៅថ្ងៃទី ២៥ និង ២៦ ខែមករា ឆ្នាំ២០២៥ នៅក្នុងទីក្រុងសេអ៊ូល ជាមួយនឹងការប្រគំតន្រ្តីផ្សេងទៀតក្នុងទីក្រុងនៃសហរដ្ឋអាម៉េរិកដូចជា New Jersey និង Los Angeles ក្នុងគោលបំណងពង្រីកវិសាលភាពទូទាំងពិភពលោក។

ខណៈពេលដែល BABYMONSTER បានកត់សម្គាល់នូវព្រឹត្ដិការណ៍ថ្មី គូប្រជែងដែលបានជ្រើសរើសរបស់ក្រុម ILLIT ក៏មានការវិវឌ្ឍលេចធ្លោផងដែរនៃវិស័យ K-Pop ឆ្នាំ២០២៤ទោះបីជាមានការចម្រូងចម្រាសជាបន្តបន្ទាប់ចំពោះ ក្រុម NewJeans ក៏ដោយ ។

ចាប់តាំងពីការចេញអាល់ប៊ុមតូច«Super Real Me» ដែលមានចំណងជើងថា «Magnetic» ILLIT បានក្លាយជាបាតុភូតថ្មីមួយនៅក្នុងឧស្សាហកម្ម Kpop ដែលទាក់ទាញការចាប់អារម្មណ៍យ៉ាងឆាប់រហ័សក្នុងនាមជាក្រុមនារីទីបីរបស់ Kpop របស់ HYPEបន្ទាប់ពី LE SSERAFIM និង NewJeans ។

នៅពេលចេញផ្សាយ «Magnetic» គឺជាបទចម្រៀងដំបូងរបស់ Kpop ដែលចូលក្នុងតារាង Billboard Hot 100 ដែលបានក្លាយជាបទចម្រៀងកូរ៉េដែលមានការផ្សាយច្រើនបំផុតនៅលើ Spotify ក្នុងឆមាសទីមួយនៃឆ្នាំ ២០២៤។ មិនទាន់អស់នោះទេ នៅលើវេទិកា TikTok «brainchild របស់ ILLIT» ក៏ត្រូវបានផ្តល់កិត្តិយសជា Summer Song of the Year នៅកូរ៉េ និងជប៉ុនផងដែរ។

នៅក្នុងបញ្ជីបទចម្រៀងកំពូលឆ្នាំ២០២៤ បទនេះក៏បានកត់ត្រាឈ្មោះរបស់ខ្លួននៅទីតាំង ២៥ ក្លាយជាបទចម្រៀង Kpop លំដាប់ខ្ពស់បំផុត។ នៅក្នុងទស្សនាវដ្តីដ៏ល្បីល្បាញរបស់ចក្រភពអង់គ្លេស NME ក៏បានបញ្ចូលបទនេះនៅក្នុងបញ្ជីបទចម្រៀងល្អបំផុតចំនួន ៥០ នៃឆ្នាំ ២០២៤ នៅចំណាត់ថ្នាក់លេខ ២៧។ នៅលើឆាកអន្តរជាតិ ILLIT គឺជាក្រុម Kpop តែមួយគត់ដែលទទួលបានការតែងតាំងសម្រាប់ពានរង្វាន់ Best Asian Act Awards នៅឯ MTV European Music Awards 2024។

នៅក្នុងទីផ្សារក្នុងស្រុក HYBE នៅតែគ្មានគូប្រជែងនៅពេល «កាន់» ពានរង្វាន់ Outstanding Rookie ពីរជាប់គ្នានៅ MAMA 2024 និង MMA 2024 ។ ក្រុមនេះក៏ទទួលបានការតែងតាំងសម្រាប់ប្រភេទចម្រៀង K-pop លំដាប់ពិភពលោកនៅ Billboard Music Awards 2024 ដែលគ្រោងនឹងប្រព្រឹត្តទៅនៅថ្ងៃទី១៣ ខែធ្នូ។

ទោះជាយ៉ាងណាក៏ដោយ ភាពជោគជ័យដំបូងរបស់ ILLIT បានជួបប្រទះនឹងបញ្ហានៅពេលដែលអតីតនាយកប្រតិបត្តិ ADOR Min Hee Jin បានចោទប្រកាន់ក្រុមនេះថាបានចម្លងគំនិត និងស្ទីលរបស់ NewJeans «នៅក្នុងគ្រប់ទិដ្ឋភាពនៃសកម្មភាពកម្សាន្ត រួមទាំងសក់ និងការតុបតែងមុខ សំលៀកបំពាក់ ក្បាច់រាំ រូបរាង»។ ជម្លោះកាន់តែតានតឹងកាន់តែខ្លាំង ខណៈភាគីទាំងពីរបន្តប្តឹងផ្តល់គ្នាទៅវិញទៅមក។ ទោះបីជារហូតមកដល់ពេលនេះ ILLIT នៅតែទទួលបានការរិះគន់ជាច្រើន ហើយត្រូវបានគេនិយាយថាកំពុងចម្លងផ្លូវរបស់អ្នកចាស់របស់ខ្លួនតែមិនអាចបដិសេធបានទេថាឥទ្ធិពលនៃក្រុមដែលមានសមាជិក ៥ នាក់នេះមិនធម្មតានោះទេ៕