ខេត្តព្រះសីហនុ៖ យុវជនទំនើងមួយក្រុមបានព្រួតគ្នា បង្កហិង្សាទៅលើជនរងគ្រោះ បណ្ដាលឲ្យរងរបួស ក៏ត្រូវសមត្ថកិច្ចឃាត់ខ្លួនចំនួន៣នាក់ កាលពីវេលាម៉ោង១០យប់ ថ្ងៃទី៧ ខែធ្នូ ឆ្នាំ២០១៧ នៅជិតស្ថានីយប្រេងសូគីម៉ិច ស្ថិតក្នុងក្រុមទី១១ ភូមិ២ សង្កាត់លេខ៤ ក្រុងព្រះសីហនុ។
លោកវរសេនីយ៍ទោ ភុល ភស្តា អធិការនគរបាលក្រុងព្រះសីហនុ បានឲ្យដឹងថា យុវជនទំនើងដែលសមត្ថកិច្ចឃាត់ខ្លួន ទី១-ឈ្មោះ ឯម ធឿន ហៅជា ភេទប្រុស អាយុ១៧ឆ្នាំ មុខរបមិនពិតប្រាកដ (ជនដៃដល់) មានលំនៅបច្ចុប្បន្ន រស់នៅក្រុមទី២១ ភូមិ១ សង្កាត់លេខ៤ ខេត្តព្រះសីហនុ ទី២-ឈ្មោះ សេន ចាន់ណា ហៅញ៉ាញ់ ភេទប្រុស អាយុ១៧ឆ្នាំ មុខរបរជាងផ្សារដែក បច្ចុប្បន្ន រស់នៅក្រុមទី២១ ភូមិ១ សង្កាត់លេខ៤ ក្រុងព្រះសីហនុ (អ្នកបើកម៉ូតូ) និងទី៣-ឈ្មោះ ឆន សង្ហា ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅភូមិដូង សង្កាត់លេខ៤ ក្រុងព្រះសីហនុ (ជាបក្សពួក)។ រីឯបក្ខពួកម្នាក់ទៀត ឈ្មោះ លី ភេទប្រុស អាយុប្រហែល១៩ឆ្នាំ (ជាម្ចាស់ម៉ូតូសង់ប៊ិក) បានរត់គេចខ្លួនបាត់។ ចំណែកជនរងគ្រោះ ឈ្មោះ ជ្រឹម មករា ភេទប្រុស អាយុ២១ឆ្នាំ មុខរបរជាងផ្សារដែក បច្ចុប្បន្នរស់នៅម្តុំសេតេ ភូមិ២ សង្កាត់លេខ៣ ក្រុង/ខេត្តព្រះសីហនុ ( រងរបួសលើចិញ្ចើមខាងស្តាំ ) កំពុងសំរាកព្យាបាល នៅក្នុងមន្ទីរពេទ្យបង្អែកខេត្តព្រះសីហនុ។
លោកអធិការនគរបាល បានបន្តថា ក្រៅពីឃាត់ខ្លួនជនទំនើងខាងលើនេះ សមត្ថកិច្ចក៏ដកហូតបានម៉ូតូចំនួន៣គ្រឿង ទី១-ម៉ូតូម៉ាកអ៊ែរប្លែត ពណ៌ខ្មៅ ស៊េរីឆ្នាំ២០១៤ ទី២-ម៉ូតូម៉ាកហុងដាឌ្រីម សេ១២៥ ស៊េរីឆ្នាំ២០១៤ ពណ៌ខ្មៅ ពាក់ស្លាកលេខ ព្រះសីហនុ 1C-0403 និងទី៣-ម៉ូតូម៉ាកហុងដាឌ្រីម (ប្រើប៊ិក) ពាក់ស្លាកលេខ ស្វាយរៀង 1D-0105។
លោកអធិការនគរបាល បានបន្តថា កាលពីវេលាខាងលើ ជនសង័្សយបានព្រួតគ្នា ប្រើអំពើហិង្សាទៅលើជនរងគ្រោះ។ បន្ទាប់ពីទទួលបាននូវព័ត៌មានបែបនេះហើយ សមត្ថកិច្ចក៏បានចុះទៅឃាត់ខ្លួនបានជនសង័្សយចំនួន៣នាក់ និងម៉ូតូ៣គ្រឿង។ រីឯបក្ខពួករបស់ជនសង័្សយម្នាក់ទៀត បានរត់គេចខ្លួនបាត់។
ក្រោយពេលឃាត់ខ្លួនរួចមក សមត្ថកិច្ចបាននាំខ្លួនជនសង័្សយ និងវត្ថុតាងទៅកាន់អធិការដ្ឋាននគរបាលក្រុង ដើម្បីសាកសួរ និងកសាងសំណុំរឿង ចាត់ការតាមនីតិវិធី៕