ប្រធានាធិបតីអាមេរិក លោក ដូណាល់ ត្រាំ លើកឡើងថា ការដាក់សម្ពាធទៅលើប្រទេសកាតា ដែលបានធ្វើសកម្មភាព គាំទ្រអំពើភេរវកម្មនៅក្នុងតំបន់ គឺជាការសមគួរ។ នេះបើយោងតាមការចេញផ្សាយ របស់សារព័ត៌មាន BBC នៅថ្ងៃទី០៧ ខែមិថុនា ឆ្នាំ២០១៧។
ក្នុងដំណើរទស្សនកិច្ចនៅទីក្រុង រីយ៉ាដ ប្រទេស អារ៉ាប៊ីសាអ៊ូឌីត រដ្ឋាភិបាលអាមេរិកនិយាយថា ការដាក់ទណ្ឌកម្មលើកាតា គឺជាទង្វើមួយ ដែលអាចបញ្ចប់សកម្មភាព វាយប្រហារភេរវកម្ម។ លោកបន្ថែមថា នៅមានអ៊ីរ៉ាក់មួយទៀត ដែលកំពុងបង្កឲ្យមានអស្ថិរភាព នៅតំបន់មជ្ឈិមបូព៌ា ដោយបានជុំរុញឲ្យ ប្រទេសកាន់សាសនាមូស្លីមទាំងឡាយ ឲ្យដឹកនាំការវាយប្រហារ លោកថា “អុីរ៉ង់សមនឹងទទួល ការព្រមានដូចកាតា”។
គួរបញ្ជាក់ផងដែរថា កាតា ត្រូវបានអារ៉ាប៊ីសាអ៊ូឌីត ប៉ារ៉ែន អារ៉ាប់រួម យេម៉ែន និងលីប៊ី បានសម្រេចកាត់ផ្ដាច់ការទូត ចរាចរណ៍ផ្លូវទឹក និងថែមទាំង បណ្ដេញប្រជាជនកាតា ទាំងអស់ចេញពីប្រទេសរបស់ពួកគេទៀតផង។ ទន្ទឹមគ្នានេះ រដ្ឋមន្ត្រីការបរទេសកាតា ក៏បានឆ្លើយតបវិញផងដែរថា ពុំមានភស្តុតាងច្បាស់លាស់ណាមួយ ដែលបញ្ជាក់ថា ខ្លួនគាំទ្រក្រុមសកម្ម ប្រយុទ្ធរដ្ឋឥស្លាមឡើយ៕
ផ្តល់សិទ្ធដោយ៖ kqube.net