តើថៃមានសិទ្ធិប្ដឹ.ងទៅកាន់អាស៊ាន ឬតវ៉ាមិនឲ្យពលរដ្ឋខ្មែរ​ពហិការទំនិញរបស់​ខ្លួនដែរឬទេ?

នៅក្នុងសង្គមទីផ្សារសេរី អ្នកទិញមានសិទ្ធិដកលុយទិញអ្វីដែលខ្លួនពេញចិត្ត ហើយអ្នកលក់គ្មានសិទ្ធិអ្វីមកប្ដឹងចោទប្រកាន់ថាមានការរើសអើងឡើយ! ជាក់ស្ដែង ចលនាពហិការមិនប្រើប្រាស់ផលិតផលថៃរបស់បងប្អូនខ្មែរ គឺស្តែងចេញពីការឈឺចាប់ និងការមិនពេញចិត្តជាខ្លាំង បន្ទាប់ពីភាគីថៃបានបើកការឈ្លានពាន បង្កជម្លោះយោធានៅតាមព្រំដែនកម្ពុជា។ តើវាខុសដែរឬទេ បើគ្រាន់តែខ្មែររួមគ្នាងាកមកគាំទ្រផលិតផលជាតិ និងជំរុញការពហិការមិនប្រើប្រាស់ទំនិញពីប្រទេសចោរឈ្លានពាន?

ការចោទសួរដ៏មុតស្រួចនេះបានលេចឡើង ស្របពេលដែលមានព័ត៌មានបែកធ្លាយជាបន្តបន្ទាប់ថារដ្ឋាភិបាលថៃកំពុងតែលួចលាក់រៀបចំឯកសារតវ៉ា និងភស្តុតាងនានាដើម្បីដាក់ទៅកាន់សមាគមន៍អាស៊ាន ក្នុងបំណងប្ដឹងចោទប្រកាន់កម្ពុជាជុំវិញរឿងរើសអើងពាណិជ្ជកម្ម និងការធ្វើពហិការផលិតផលរបស់ខ្លួន។ បើទោះបីជាមិនទាន់មានការចេញមុខប្រកាស ឬបញ្ជាក់ជាផ្លូវការដោយផ្ទាល់ពីរដ្ឋាភិបាលទីក្រុងបាងកកថា គម្រោងប្ដឹងផ្ដល់នេះគឺជាផែនការពិតប្រាកដ ឬយ៉ាងណាក៏ដោយ ប៉ុន្តែអ្នកតាមដានស្ថានការណ៍បានសង្កេតឃើញថា មួយរយៈពេលចុងក្រោយមកនេះ ភាគីថៃតែងតែព្យាយាមប្រើប្រាស់គ្រប់លេស រួមទាំងយន្តការការទូត និងសម្ពាធផ្សេងៗ ដើម្បីរកវិធីសាស្ត្រដោះស្រាយបញ្ហាសេដ្ឋកិច្ចរបស់ខ្លួន ដែលកំពុងតែដាំក្បាលចុះយ៉ាងគំហុក ដោយសារតែការថយចុះនៃទំហំពាណិជ្ជកម្មតាមព្រំដែន និងការបាត់បង់ទីផ្សារនាំចេញដ៏ធំនៅក្នុងប្រទេសកម្ពុជា។

ប្រសិនបើយើងក្រឡេកទៅមើលដើមចមពិតប្រាកដនៃចលនាពហិការនេះ គឺវាបានចាប់ផ្តើមឡើងបន្ទាប់ពីភាគីថៃខ្លួនឯង ជាអ្នកប្រើប្រាស់នយោបាយគាបសង្កត់យោធានៅតាមព្រំដែន និងបានសម្រេចបិទច្រកព្រំដែនគោកឯកតោភាគីក្នុងបំណងដាក់សម្ពាធសេដ្ឋកិច្ចលើកម្ពុជាមុន。 ទង្វើឈ្លានពាន និងការមើលងាយអធិបតេយ្យភាពជាតិកម្ពុជានេះហើយ ដែលបានក្លាយជាដុំកំភួនជម្រុញឱ្យស្មារតីស្នេហាជាតិរបស់ពលរដ្ឋខ្មែរផ្ទុះឡើង ទាំងនៅលើបណ្តាញសង្គម និងការអនុវត្តជាក់ស្តែង ដោយរួមចិត្តរួមថ្លើមគ្នាឈប់ទិញ ឈប់ប្រើប្រាស់ និងឈប់លក់ដូររាល់ទំនិញទាំងឡាយណាដែលមានប្រភពមកពីប្រទេសថៃ ដើម្បីឆ្លើយតបទៅនឹងទង្វើអគតិរបស់ពួកគេ។

ស្របពេលជាមួយគ្នានេះ យុទ្ធនាការរឹតបន្តឹងច្បាប់ និងការចុះបង្ក្រាបយ៉ាងចាស់ដៃរបស់អាជ្ញាធរកម្ពុជាទៅលើឃ្លាំងស្តុកទំនិញខូចគុណភាព និងគ្មានប្រភពច្បាស់លាស់របស់ថៃនាពេលថ្មីៗនេះ ​គឺធ្វើឡើងស្របតាមច្បាប់សន្តិសុខចំណីអាហារ ដើម្បីការពារសុខភាពប្រជាពលរដ្ឋតែប៉ុណ្ណោះ។ ប៉ុន្តែ ភាគីថៃដែលកំពុងតែដុនដាបសេដ្ឋកិច្ច បែរជាព្យាយាមយកចំណុចនេះទៅបកស្រាយបំផ្លៃការពិត និងចោទថាជាការធ្វើទុក្ខបុកម្នេញលើទំនិញរបស់ខ្លួនទៅវិញ ដែលនេះសបញ្ជាក់ពីការមិនទទួលខុសត្រូវលើទង្វើបង្កហេតុរបស់ខ្លួន។

សរុបមកវិញ ថៃគ្មានសិទ្ធិ និងគ្មានមូលដ្ឋានគតិយុត្តិណាមួយទៅប្ដឹងពលរដ្ឋខ្មែរឡើយ ព្រោះគ្មានច្បាប់អន្តរជាតិណាបង្ខំឱ្យមនុស្សទិញទំនិញដែលខ្លួនមិនពេញចិត្តនោះទេ。 បើទោះជាពួកគេព្រហើន ហ៊ានរៀបចំឯកសារទៅប្ដឹងរដ្ឋាភិបាលកម្ពុជានៅអាស៊ានមែន ក៏ប្រជាពលរដ្ឋ និងអាជ្ញាធរកម្ពុជាមិនញញើត ឬខ្លាចនឹងតតាំងក្តីផ្លូវច្បាប់ទៅវិញដែរ។ ប្រជាជនកម្ពុជាយល់ឃើញយ៉ាងច្បាស់ថា ក្នុងនាមជាអ្នកទិញ ពួកគេមានសិទ្ធិពេញលេញក្នុងការបដិសេធមិនទិញផលិតផលណាដែលគ្មានគុណភាព គ្មានសុវត្ថិភាព គ្មានគុណធម៌អាជីវកម្ម និងជាពិសេសគឺទំនិញដែលផលិតចេញមកពីប្រទេសជិតខាងដែលមិនដែលផ្ដល់តម្លៃ មិនគោរពអធិបតេយ្យភាព និងតែងតែបង្កជម្លោះឈ្លានពានមកលើប្រទេសដទៃ៕