ហ្វីលីពីនទទួលសញ្ញាព្រ.មានពីរលកយក្សស៊ូណាមិ ក្រោយការរញ្ជួយដីកម្រិត ៧.៨ រ៉ិចទ័រ

អាសន្នធំ! ហ្វីលីពីនទទួលបានការព្រ.មានពីរលកយក្សស៊ូណាមិជាបន្ទាន់ ក្រោយពីកម្លាំងរំញ័រក្រោមបាតសមុទ្រដ៏មហិមាបានវា.យប្រ.ហារកោះមីនដាណាវទាំងព្រលឹម បង្កជាទិដ្ឋភាពចលាចល និងការជម្លៀសខ្លួនយ៉ាងរន្ធ.ត់បំផុត ខណៈអគារពាណិជ្ជកម្ម និងផ្សារទំនើបជាច្រើនបានបាក់ស្រឡុះខ្ទេចក្លាយជាកម្ទេចថ្ម ចំពេលដែលទឹកសមុទ្របានដកថយឆ្ងាយពីច្រាំងយ៉ាងគំហុក ដែលជាសញ្ញាព្រមា.នដំបូងថារលកយក្សស៊ូណាមិអាចនឹងមកដល់ក្នុងពេលឆាប់ៗ។

យោងតាមរបាយការណ៍ផ្លូវការពីវិទ្យាស្ថានភ្នំភ្លើង និងរញ្ជួយដីហ្វីលីពីន (Phivolcs) ចំណុចកណ្តាលនៃការរញ្ជួយដី (Epicenter) ស្ថិតនៅក្រោមបាតសមុទ្រក្បែរឆ្នេរក្រុង General Santos នៃខេត្ត Sarangani លើកោះមីនដាណាវ (Mindanao) ក្នុងជម្រៅចន្លោះពី ១០ ទៅ ៥៥ គីឡូម៉ែត្រ។ មជ្ឈមណ្ឌលព្រមានរលកធាតុស៊ូណាមិប៉ាស៊ីហ្វិក បានបញ្ចេញសញ្ញាព្រមានក្រហមភ្លាមៗ ដោយសាររលកស៊ូណាមិអាចមានកម្ពស់ខ្ពស់ចន្លោះពី ១ ទៅ ៣ ម៉ែត្រ ដែលអាចវាយប្រហារតំបន់ឆ្នេរផ្ទាល់។

គិតត្រឹមពេលនេះ របាយការណ៍បឋមបានបង្ហាញថា មានមនុស្សយ៉ាងហោចណាស់ ៥ នាក់បានបាត់បង់ជីវិត និងជាច្រើននាក់ផ្សេងទៀតបានរងរបួស។ ទីក្រុង General Santos ដែលជាមជ្ឈមណ្ឌលពាណិជ្ជកម្ម និងកែច្នៃត្រីទូណាដ៏ធំ រងការប៉ះទង្គិចខ្លាំងជាងគេ ដោយមានអគារពាណិជ្ជកម្ម និងផ្សារទំនើបមួយចំនួនបានបាក់ស្រឡុះខ្ទេចជាកម្ទេចថ្ម។ ជាមួយគ្នានេះ សាលារៀន និងស្ពានមួយចំនួននៅក្នុងខេត្ត Sarangani បានរងការប្រេះស្រាំ និងបាក់ស្រុត ខណៈបណ្តាញអគ្គិសនី និងប្រព័ន្ធទូរគមនាគមន៍ត្រូវបានកាត់ផ្តាច់ទាំងស្រុង ដែលកំពុងរំខានដល់កិច្ចប្រឹងប្រែងរបស់ក្រុមសង្គ្រោះបន្ទាន់។

បន្ទាប់ពីការរញ្ជួយដី ទឹកសមុទ្របានស្រកចុះយ៉ាងគំហុកជាបណ្តោះអាសន្ន មុនពេលរលកស៊ូណាមិកម្ពស់ ១ ម៉ែត្រ ត្រូវបានកត់ត្រា និងវាយប្រហារមកលើតំបន់ឆ្នេរក្បែរនោះ។ អាជ្ញាធរបានព្រមានថា ហានិភ័យនៃរលកយក្សស៊ូណាមិ និងការប្រែប្រួលកម្ពស់ទឹកសមុទ្រខុសប្រក្រតី អាចនឹងបន្តកើតមានឡើងក្នុងរយៈពេលជាច្រើនម៉ោងបន្តទៀត។ ស្របពេលជាមួយគ្នានេះ វិទ្យាស្ថានភូគព្ភសាស្ត្រអាមេរិក (USGS) បានបញ្ជាក់ថា រលកញ័រ (Aftershocks) ក្នុងកម្រិតធ្ងន់ៗរហូតដល់ ៦,៥ រ៉ិចទ័រ បានបន្តកើតមានជាបន្តបន្ទាប់។

ការប្រកាសអាសន្នពីរលកយក្សស៊ូណាមិនេះ ក៏បានជះឥទ្ធិពលដល់បណ្ដាប្រទេសជិតខាងផងដែរ ដោយអាជ្ញាធរប្រទេសឥណ្ឌូនេស៊ី បានបញ្ជាឱ្យជម្លៀសប្រជាជននៅតំបន់ភាគខាងជើង ដូចជា ខេត្ត North Sulawesi ដោយសារបារម្ភពីរលកកម្ពស់ ១ ម៉ែត្រ ខណៈនាយកដ្ឋានឧតុនិយមម៉ាឡេស៊ី ក៏បានប្រកាសព្រមានពីលទ្ធភាពនៃការកើតមានរលកស៊ូណាមិកម្ពស់ ០,៤ ម៉ែត្រ នៅតាមតំបន់ឆ្នេរនៃរដ្ឋសាបា (Sabah) ផងដែរ។ គិតត្រឹមពេលនេះ ប្រធានាធិបតីហ្វីលីពីន លោក Ferdinand Marcos Jr បានបញ្ជាឱ្យកងកម្លាំងសង្គ្រោះបន្ទាន់ដុតដៃដុតជើងជួយប្រជាពលរដ្ឋ និងបង្គាប់ឱ្យពលរដ្ឋដាច់ខាតមិនត្រូវត្រឡប់ទៅផ្ទះសម្បែង ឬចូលទៅក្បែរតំបន់ឆ្នេរឡើយ រហូតទាល់តែមានការប្រកាសលុបចោលសញ្ញាព្រមានជាផ្លូវការ៕