ក្រោយលុបចោល MOU 2001 ជាឯកតោភាគីបានសម្រេច រដ្ឋាភិបាលថៃបានប្រកាសពីជោគជ័យរបស់ខ្លួនដោយបញ្ជាក់សារជាថ្មីថា «កោះគុត» នៅតែស្ថិតនៅក្រោមអធិបតេយ្យភាពដាច់ខាតរបស់ថៃ បើទោះបីជាមានការចរចាលើតំបន់សមុទ្រត្រួតគ្នាបន្តជាមួយកម្ពុជាក៏ដោយ។ នេះបើយោងតាមការចុះផ្សាយរបស់កាសែត Khaosod នៅថ្ងៃអង្គារនេះ។
ថ្លែងនៅវិមានរដ្ឋាភិបាល ថ្ងៃទី១២ ខែឧសភា ឆ្នាំ២០២៦ ឧបនាយករដ្ឋមន្ត្រី និងជារដ្ឋមន្ត្រីការបរទេសថៃ លោកស៊ីហាសាក់ ភួងកេតកែវ បានញ្ជាក់យ៉ាងច្បាស់ថា អធិបតេយ្យភាពលើកោះកូត (Koh Kood) គឺមិនមានអ្វីដែលត្រូវសង្ស័យនោះទេ ពោលគឺកោះនេះជាទឹកដីរបស់ថៃយ៉ាងពិតប្រាកដ ដោយផ្អែកលើសន្ធិសញ្ញាឆ្នាំ ១៩០៧ រវាងបារាំង-សៀម។ លោកបញ្ជាក់ថា គ្មានភាគីណាអាចរំលោភបំពានលើអធិបតេយ្យភាពនេះបានឡើយ។
.jpg)
តាមលោក សីហាសាក់ “វាមិនអាចទៅរួចទេ” ដែលកម្ពុជាចង់ទាមទារយកកោះនេះដោយប្រើប្រាស់អនុសញ្ញាប្រើប្រាស់អនុស្សរណៈដែលបានឯកភាពគ្នាមកធ្វើជាភស្តុតាងទាក់ទងនឹងខ្សែព្រំដែនសមុទ្រនោះ។ លោកបានបន្ថែមថា “ខ្ញុំមិនដឹងថាកម្ពុជាអាចបានចុះបញ្ជីដោយសម្ងាត់អ្វីទេ”។ “ប៉ុន្តែអ្វីដែលខ្ញុំដឹងគឺថាការពិភាក្សានឹងធ្វើឡើងក្រោមអនុស្សរណៈយោគយល់គ្នារបស់ថៃលើកោះគុត”។
ក្រៅពីនេះនៅពេលសួរថា តើបញ្ហានេះនឹងប៉ះពាល់ដល់អធិបតេយ្យភាពរបស់ប្រទេសថៃលើកោះគុតដែរឬអត់ លោក ស៊ីហាសាក់ បានមានឆ្លើយតបវិញថា ការកំណត់ព្រំដែនជាផ្លូវការណាមួយនឹងបង្ហាញយ៉ាងច្បាស់ថា កោះនេះគឺជារបស់ថៃ ១០០%។.jpg)
សូមជម្រាបថា ជុំវិញបញ្ហាកោះកូត (Koh Kood) រាជរដ្ឋាភិបាលកម្ពុជាបានរក្សាជំហរច្បាស់លាស់ និងអះអាងយ៉ាងច្បាស់ថា កម្ពុជានឹងមិនធ្វើសម្បទាន ឬបោះបង់ចោលទឹកដី និងអធិបតេយ្យភាពរបស់ខ្លួនសូម្បីតែមួយមីលីម៉ែត្រឡើយ។ កម្ពុជាបានប្រកាន់យកខ្សែបន្ទាត់ព្រំដែនសមុទ្រដែលបានកំណត់តាំងពីឆ្នាំ ១៩៧២ ដែលខ្សែបន្ទាត់នោះបានកាត់ពាក់កណ្តាលកោះកូត (ផ្នែកខាងត្បូង) ចូលជាមួយខ្សែបន្ទាត់ព្រំដែនខាងកម្ពុជា។
តែទោះជាយ៉ាងណាក៏ដោយ ប្រទេសថៃមិនទទួលស្គាល់ផែនទីឆ្នាំ ១៩៧២ នេះឡើយ ដោយបានច្រានចោលយ៉ាងដាច់អហង្ការ និងចោទប្រកាន់ការអះអាងរបស់កម្ពុជាថាជា “ការទាមទារដោយឯកតោភាគី” និងជាឧបសគ្គដល់ការចរចា។ ដូច្នេះជំហានបន្ទាប់របស់កម្ពុជា គឺការនាំយកជម្លោះនេះទៅដោះស្រាយតាមរយៈ “ការសម្រុះសម្រួលដោយបង្ខំ” (Compulsory Conciliation) ក្រោមឧបសម្ព័ន្ធទី៥ នៃអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS)។ នេះគឺជាការផ្លាស់ប្តូរពីការចរចាទ្វេភាគី ទៅជាការដោះស្រាយតាមយន្តការច្បាប់អន្តរជាតិវិញ៕
