តារាកំប្លែងស្រីខ្ញុង ត្រូវបានអ្នកលក់អនឡាញមានប្រជាប្រិយភាពក្នុងវិស័យនេះ គឺអ្នកនាង Love Riya បានលាតត្រដាងថា តារាកំប្លែងរូបនេះនៅមិនទាន់ចប់កុងត្រានៅឡើយទេ ហើយក៏ជំពាក់លុយខ្លួនច្រើនដូចគ្នា។ អ្នកលក់អនឡាញរូបនេះថាខ្លួនមិនចង់និយាយអ្វី ច្រើននោះទេទុកឱ្យពេលវេលាជាអ្នកបកស្រាយ។
តាមរយៈវីដេអូមួយដែលមានការចែករំលែកនៅលើបណ្តាញសង្គមទិកតុកអ្នកនាង Love Riya បាននិយាយថា «ខ្លួនមិនបានបញ្ឈប់ស្រីខ្ញុងនោះទេហើយក៏មិនទាន់ផុតកុងត្រាដែរ ហើយលុយដែលជំពាក់នាងគឺមិនបានកាត់សូម្បីតែមួយកាក់មួយសេន ខ្លួននាងចោលទាំង អស់។ អ្នកនាង Love Riya បន្តទៀតថា ទុកឱ្យពេលវេលាជាអ្នកបកស្រាយហើយខ្លួន នាងបញ្ឈប់ ស្រីខ្ញុង យ៉ាងមិចបើជំពាក់នាងមួយគំនរនាងមិនបានបញ្ឈប់ទេ ទុកពេល វេលាជាអ្នកបើកបង្ហាញទៅចុះ។ អ្នកលក់អនឡាញរូបនេះថាខ្លួននាងត្រូវយក ស្រីខ្ញុង រហូតដល់ថ្ងៃចូលមឈូសទាំងអស់ នេះជាការពិតប៉ុន្តែធ្វើយ៉ាងមិចនាងនិយាយមិនកើត។
កន្លងមកតារាកំប្លែង ស្រីខ្ញុង គឺជាអ្នកប្រម៉ូតផលិតផលឱ្យ អ្នកនាង Love Riya ប៉ុន្តែ ក្រោយមកគេបានឃើញនាងទៅប្រម៉ូតឱ្យម្ចាស់ផលិតផលផ្សេងវិញដោយនាងបានបញ្ជាក់ថា បានចប់កុងត្រារួចរាល់ហើយទើបបន្តកុងត្រាថ្មីជាមួយអ្នកផ្សេង។
គួរឱ្យដឹងថាជារឿយៗតារាកំប្លែង ស្រីខ្ញុង តែងតែត្រូវម្ចាស់បំណុលបង្ហោះជាបន្តបន្ទាប់ ហើយការបង្ហោះដែលក្តៅគគុកជាងគេគឺតារាកំប្លែង ម៉ាដូណា។ សកម្មភាពរបស់ ស្រីខ្ញុង ក៏ត្រូវបានអ្នកមួយចំនួនប្រៀបធៀបទៅនឹងតារាផ្សេងទៀតដូចជា ផេនខេក និងលោក សឿន វីតា ជំពាក់លុយគេដូចគ្នា ប៉ុន្តែខិតខំដោះបំណុលជាបន្តបន្ទាប់ ប៉ុន្តែស្រីខ្ញុង នៅតែមានម្ចាស់បំណុលជាច្រើនបង្ហាញថាមិនបានសងនោះទេ៕
