តារាសម្តែងហូលីវូដ Brad Pitt បានបង្ហាញខ្លួនក្នុង MV របស់ Rosé

តារាសម្តែង Brad Pitt អតីតស្វាមីតារាហូលីវូដ Angelina Jolieបានបង្ហាញខ្លួននៅក្នុងឈុតខ្លះក្នុង MV «Messy» ដែលជាបទភ្លេងនៃរឿង «F1» ដែលបកស្រាយចម្រៀងដោយ Rosé នៃក្រុម BLACKPINK ។

Rosé បានចេញ MV «Messy» នៅយប់ថ្ងៃទី៨ ឧសភា ម៉ោងនៅកម្ពុជាដោយទទួលបានអ្នកចូលមើលជាង ៤០០,០០០ដង បន្ទាប់ពីចេញបានមួយម៉ោង។ នាងគឺជាតារាចម្រៀង Kpop តែម្នាក់គត់ក្នុងបញ្ជីមុខដែលសម្តែងក្នុងអាល់ប៊ុមចម្រៀងក្នុងខ្សែភាពយន្តនេះរួមជាមួយនឹង Ed Sheeran, Doja Cat, Burna Boy, Roddy Ricch, Dom Dolla ។ លើសពីនេះវីដេអូសម្រាប់ «Messy» ដែល Rosé ថតគឺមានការបិទ Las Vegas Strip ដ៏ល្បីល្បាញលើពិភពលោក។

បទចម្រៀងនេះមានសាច់ភ្លេង និងទំនុកច្រៀង ងាយស្រួលស្តាប់ បង្ហាញពីអារម្មណ៍ និងបំណងប្រាថ្នា ចង់បានស្នេហ៍របស់មនុស្សស្រី។ តារាសម្ដែង Brad Pitt និង Kerry Condon បង្ហាញខ្លួននៅក្នុងផ្នែកខ្លះនៃ MV ដែលរួមចំណែកដល់អារម្មណ៍របស់អ្នកទស្សនានៅកម្រិតកំពូលនៃបទចម្រៀង។ នៅក្នុងគម្រោង F1 លោក Brad Pitt ដើរតួជាកីឡាករប្រណាំងដែលចូលនិវត្តន៍ជាតួអង្គ Sonny Hayes ។

ខ្សែភាពយន្តនេះផលិតដោយ Jerry Bruckheimer, Brad Pitt និង Lewis Hamilton ដែលជាម្ចាស់ជើងឯក F1 ប្រាំពីរសម័យកាល។ Lewis ក៏បានចូលរួមក្នុងការសរសេររឿងផងដែរ។ តន្ត្រីនេះត្រូវបាននិពន្ធដោយអ្នកនិពន្ធដែលឈ្នះពានរង្វាន់អូស្ការ Hans Zimmer ៕