កុមារតូចៗដែលកំពុងស្ថិតនៅក្នុងការលូតលាស់ផ្នែកសេរីរាង្គ និងបញ្ញាស្មារតីពិតជាត្រូវការចាំបាច់នូវសារជាតិចិញ្ចឹមសម្រាប់ពួកគេ ជាពិសេសតាមរយៈការបរិភោគ។ ដូច្នេះក្នុងនាមជាឪពុកម្ដាយ ឬអាណាព្យាបាល អ្នកគួរយកចិត្តទុកដាក់បំផុតលើការជ្រើសប្រភេទអាហារណាដែលផ្ដល់នូវអត្ថប្រយោជន៍ល្អសម្រាប់កូនៗ និងត្រូវដឹងពីប្រភេទអាហារដែលអាចផ្ដល់ផលប៉ះពាល់ចំពោះសុខភាពរាងកាយ និងការរីកចម្រើននៃខួរក្បាលរបស់ពួកគេ។
ការលូតលាស់នៃរាងកាយ និងការអភិវឌ្ឍផ្នែកប្រាជ្ញាស្មារតី គឺពិតជាពាក់ព័ន្ធដោយផ្ទាល់ជាមួយអាហារដែលកុមារបរិភោគ។ អាហារមួយចំនួនថ្មីត្បិតថាមានការពេញនិយមបរិភោគនៅក្នុងសង្គមមនុស្សប្រចាំថ្ងៃ ប៉ុន្តែមិនមានន័យថាវាល្អសម្រាប់សុខភាពឡើយ។
.png)
ដូចនេះសូមណែនាំអាហារទាំង ប្រភេទនេះដែលអាណាព្យាបាលគួរចៀសវាងកុំកូនតូចៗញ៉ាំ បើមិនចង់ជួបបញ្ហានៅថ្ងៃក្រោយ៖
១. ភេសជ្ជៈផ្អែម ៖ ទឹកសូដា, ភេសជ្ជៈប៉ូវកម្លាំង ទឹកផ្លែឈើ ឬសូម្បីតែទឹកដោះគោដែលមានរសជាតិផ្អែមមួយចំនួន សុទ្ធតែមានជាតិស្ករខ្ពស់។ សម្រាប់កុមារជាតិស្ករទាំងនោះនឹងធ្វើឲ្យប៉ះពាល់ដល់ការចងចាំរបស់ពួកគេ ហើយផ្ដល់ហានិភ័យខ្ពស់ក្នុងការកើតមានជំងឺទឹកនោមផ្អែម។
២. អាហារសម្រន់ (Fast Food) ៖ សំដៅដល់អាហារប្រភេទបំពងដូចជា ប៊ឺហ្គឺ, ដំឡូងបំពង និងគ្រឿងសាច់បំពងផ្សេងទៀតដែលផ្ទុកដោយជាតិខ្លាញ់ច្រើន នឹងផ្ដល់ផលប៉ះពាល់ដល់ខួរក្បាល និងបេះដូង។
៣. អាហារផ្អាប់ ៖ អាហារផ្អាប់គ្រប់ប្រភេទ រួមទាំងមីកំប៉ុង និងសាច់កញ្ចប់ សម្បូរទៅដោយសារជាតិមិនល្អ និងជាតិគីមីរក្សាទុក។ ដូច្នេះនៅពេលដែលកុមារញ៉ាំរបស់ទាំងនេះជាប្រចាំ ឬញឹកញាប់ នោះវានឹងបង្ករទៅជាមេរោគក្នុងក្រពះ ពោះវៀន ជាពិសេសធ្វើឲ្យខួរក្បាលដំណើរការយឺត។.png)
៤. អាហារជាតិស្ករកែច្នៃ ៖ ក្មេងៗទូទៅចូលចិត្តប្រភេទអាហារទាំងនេះណាស់ មានដូចជា ស្ករគ្រាប់ ស្ករកៅស៊ូ និងប្រភេទនំចំណីផ្អែមៗច្រើនទៀត។ មិនត្រឹមតែគ្មានសារជាតិចិញ្ចឹមល្អៗនោះទេ វាក៏នឹងផ្ដល់ផលរំឋានដល់ប្រព័ន្ធប្រសាទ និងអារម្មណ៍ផងដែរ។
៥. អាហារដែលមានជាតិប៊ីចេងច្រើន ៖ ការប្រើប្រាស់ប៊ីចេងច្រើនដើម្បីបង្កើនរសជាតិនៅក្នុងម្ហូបអាហារនឹងធ្វើឲ្យអ្នកបរិភោគ ជាពិសេសកុមារតូចៗមានការអន់ថយលើការលូតលាស់នៃខួរក្បាល និងមានសម្ពាធឈាមចុះខ្សោយ។
ទាំងនេះគឺសុទ្ធតែជាអាហារគ្រោះ..ថ្នា..ក់ ដែលកុមារមិនគួរបរិភោគឡើយ។ មិនថាការប្រើប្រាស់ជីវិតនៅក្នុងសង្គមស៊ីវីល័យដល់កម្រិតណានោះទេ ប៉ុន្តែត្រី សាច់ ស៊ុត បន្លែ ផ្លែឈើនៅតែជាអាហារចាំបាច់ ដែលល្អបំផុតក្នុងការផ្ដល់សារជាតិចិញ្ចឹមដល់ការរីកចម្រើនផ្នែកសុខភាព រាងកាយ និងបញ្ញាស្មារតីរបស់កុមារ៕
