ជាការពិតណាស់ភាពស្រស់ស្អាតបែបអឺរ៉ុបត្រូវបានគេចាត់ទុកថាជានិន្នាការពេញនិយមខ្លាំង សម្រាប់អ្នកដែលចាប់អារម្មណ៍ចង់ផ្លាស់ប្តូររូបរាង ដើម្បីឱ្យស្របតាមនិន្នាការរបស់មនុស្សជំនាន់ថ្មី។ ដូច្នេះបើចង់ស្អាតបែបធម្មជាតិ ដោយមិនចាំបាច់វះកាត់ច្រើន លោកអ្នកអាចអនុវត្តវិធីសាស្ត្រដូចខាងក្រោម៖ 
១.ស្បែកល្អស្អាតចាប់ផ្ដើមពីការញ៉ាំឱ្យបានត្រឹមត្រូវ៖ ការប្រើប្រាស់អាហារកែច្នៃអាចធ្វើឱ្យអ្នកមានជាតិខ្លាញ់ ឬស្ករច្រើនពេក ដែលបណ្តាលឱ្យបញ្ហាស្បែក។ ដូច្នេះហើយ នារីអឺរ៉ុបភាគច្រើនតែងមានទម្លាប់គ្រប់គ្រងរបបអាហារដែលមានតុល្យភាព ដោយផ្តោតលើអាហារដែលមានជាតិសរសៃខ្ពស់ដូចជាបន្លែ ផ្លែឈើ ដែលនេះជួយការពារការប្រមូលផ្តុំជាតិពុលក្នុងរាងកាយបានយ៉ាងល្អ។ 
២.ជៀសវាងការយកដៃទៅប៉ះមុខរបស់អ្នក៖ ការប្រើប្រាស់ដៃទៅប៉ះពាល់មុខ អាចបណ្តាលឱ្យកើតមុន ធ្វើឱ្យរន្ធញើសកាន់តែរលាក ហើយភាពស្អាតនៃស្បែកនឹងប្រែទៅជាបរិមាណប្រេងច្រើន បង្កឱ្យមានការរលាកកាន់តែខ្លាំង ដោយសារដៃផ្ទុកបាក់តេរីពីក្រោមក្រចក។ ដូច្នេះបាក់តេរីក្នុងក្រចកបានចូលទៅក្នុងស្បែក បណ្តាលឱ្យមានការឆ្លងកាន់តែធ្ងន់ធ្ងរ ហេតុនេះស្ត្រីអឺរ៉ុបតែងតែបដិសេធពីអាកប្បកិរិយានេះ ដើម្បីការពារបញ្ហាផ្ទៃមុខមិនឱ្យកើតមុន។
៣.បន្ទាប់ពីហាត់ប្រាណ ត្រូវតែសម្អាតមុខជានិច្ច៖ លំហាត់ប្រាណ ជួយបង្កើនការរំលាយអាហារ និងចរាចរឈាមក្នុងរាងកាយ។ ជាលទ្ធផលសុខភាពស្បែកទាំងមូលកាន់តែប្រសើរឡើង ក៏ដូចជាជួយក្នុងការកម្ចាត់ជាតិពុលចេញពីរាងកាយផងដែរ។ ដូច្នេះហើយស្ត្រីអឺរ៉ុបតែងតែសម្អាតមុខមុនពេលហាត់ប្រាណ និងលាបឡេការពារកម្តៅថ្ងៃ ដើម្បីការពារស្បែក បន្ទាប់ពីហាត់ប្រាណរួច ពួកគេក៏សម្អាតផ្ទៃមុខម្តងទៀត ដោយផ្តល់សំណើមដល់ស្បែក ធ្វើឱ្យស្បែកមានសំណើមត្រឹមត្រូវ៕
