ជាការពិតណាស់ ភាពធាត់ត្រូវបានបង្កឡើងជាចម្បងដោយកត្តាជាច្រើនដូចជា របៀបរស់នៅ ការញ៉ាំអាហារដែលគ្មានផាសុខភាព បរិស្ថាន និងកង្វះការធ្វើលំហាត់ប្រាណ។ ទោះជាយ៉ាងណាក៏ដោយ យោងតាមការស្រាវជ្រាវរបស់ក្រុមអ្នកវិទ្យាសាស្ត្រនៅសាកលវិទ្យាល័យ Monash និងសាកលវិទ្យាល័យ Melbourne រួមទាំងសាកលវិទ្យាល័យ RMIT ក្នុងប្រទេសអូស្ត្រាលី បានរកឃើញថា ការប្រើប្រាស់អ៊ីនធឺណិតក្នុងល្បឿនលឿន ក៏អាចជះឥទ្ធិពលលើសកម្មភាពរាងកាយ និងទម្លាប់នៃការញ៉ាំរបស់អ្នកប្រើប្រាស់ផងដែរ មានន័យថាវាក៏ជាកត្តាមួយអាចបណ្តាលឱ្យមនុស្សធាត់ផងដែរ។.png)
វេជ្ជបណ្ឌិត Klaus Ackermann មកពីសាកលវិទ្យាល័យ Monash និងជាសមាជិកនៃក្រុមស្រាវជ្រាវ បានពន្យល់ថា “ការតភ្ជាប់អ៊ីនធឺណិតល្បឿនលឿនចាប់ពី 5G ឡើងទៅ នឹងធ្វើឱ្យបុគ្គលកាន់តែស្ងប់ស្ងាត់ ដោយសារការជក់លេងនឹងបច្ចេកវិទ្យាឌីជីថលតាមអ៊ីនធឺណិត ធ្វើឱ្យពួកគេមានអារម្មណ៍ឯកោ ឃ្លាតឆ្ងាយពីមនុស្សជុំវិញខ្លួន និងឃ្លានច្រើន ជាហេតុបណ្តាលឱ្យពួកគេញ៉ាំបណ្តើរ លេងអ៊ីនធឺណិតបណ្តើររហូតដល់ធាត់។
Ackermann បានបន្តថា “អាកប្បកិរិយាស្ងប់ស្ងាត់បានកើនឡើងនៅពេលដែលអ៊ីនធឺណិតកាន់តែលឿនដែលបណ្តាលឱ្យអ្នកប្រើប្រាស់ស្នាក់នៅមួយកន្លែង គ្មានចលនារយៈពេលយូរ នាំឱ្យអត្រាមេតាប៉ូលីសទាបដែលរួមចំណែកដល់ការធាត់”។ លើសពីនេះការចូលប្រើប្រាស់ទំនិញ សេវាកម្មដឹកជញ្ជូន និងការទំនាក់ទំនងតាមអ៊ីនធឺណិត ដោយមិនជួបផ្ទាល់ក៏នឹងកាត់បន្ថយឱកាសដើម្បីចូលរួមក្នុងសកម្មភាពរាងកាយផងដែរ។
.png)
ហេតុនេះហើយការប្រើប្រាស់អ៊ីនធឺណិតល្បឿនលឿន នឹងធ្វើឱ្យមនុស្សកាន់ធាត់ទៅៗ ជាហេតុធ្វើឱ្យអត្រាធាត់កើនឡើងខ្លាំងទូទាំងពិភពលោក។ យោងតាម New Atlas ភាពធាត់គឺជាបញ្ហាសុខភាពសាធារណៈដ៏សំខាន់មួយនៅទូទាំងពិភពលោក ដោយសារតែការកើនឡើងហានិភ័យនៃជំងឺបេះដូង សម្ពាធឈាមខ្ពស់ ជំងឺដាច់សរសៃឈាមខួរក្បាល និងជំងឺទឹកនោមផ្អែម។ 
វេជ្ជបណ្ឌិត Klaus Ackermann បានបន្ថែមទៀតថា ការសិក្សារបស់យើងមានគោលបំណងព្រមានមនុស្សកុំឱ្យប្រើប្រាស់អ៊ីធឺណិតច្រើនហួសហេតុពេក ព្រោះវានឹងមិនល្អចំពោះសុខភាពរបស់លោកអ្នកនៅថ្ងៃអនាគតឡើយ៕
