អនុវត្តតាមវិធីនេះអាចកម្ចាត់ក្លិនស្អុយរបស់លាមកឆ្កែយ៉ាងមានប្រសិទ្ធភាព

ម្ចាស់ឆ្កែភាគច្រើនបានបណ្តោយឱ្យឆ្កែរបស់ខ្លួនបន្ទោរបង់នៅខាងក្រៅលំនៅឋាន ហើយធ្វើឱ្យមានក្លិនស្អុយប៉ះពាល់ដល់អ្នកជិតខាង ខណៈអ្នកខ្លះទៀតបានបោះចោលលាមកឆ្កែក្នុងធុងសំរាម។ ថ្ងៃនេះ សារព័ត៌មាន KBN សូមដកស្រង់នូវវិធីសំខាន់ៗមួយចំនួន ដើម្បីកម្ចាត់ក្លិនស្អុយរបស់លាមកឆ្កែយ៉ាងមានប្រសិទ្ធភាព ។

យើងគួរតែកើបលាមកឆ្កែដាក់ក្នុងថង់ផ្លាស្ទិក រួចហើយចងមាត់ថង់ឱ្យជាប់សិន មុនពេលបោះចោលក្នុងធុងសំរាម ។ នេះជាវិធីកុំឱ្យធុងសំរាមធុំក្លិនស្អុយ និងល្អជាងការបោះចោលលាមកឆ្កែក្នុងចានបង្គន់ ។ ខាងក្រោមនេះ គឺជាវិធីកម្ចាត់ក្លិនលាមកឆ្កែយ៉ាងមានប្រសិទ្ធភាព ៖

១-ទឹកស្អាត ៖ យើងមុខជាមិនជ្រាបទេថា ទឹកស្អាតមានប្រសិទ្ធភាពកម្រិតណា ។ បើបរិវេណក្នុងផ្ទះមានក្លិនលាមកឆ្កែ យើងអាចយកទឹកមកលាងសម្អាតវាដើម្បីបំបាត់ក្លិនលាមក និងទឹកនោម ។

២-ធ្វើគ្រឿងផ្សំដោយខ្លួនឯង ៖ ពេលខ្លះ ទឹកពុំអាចបំបាត់ក្លិនលាមកឆ្កែបានទាំងស្រុងទេ គឺយើងអាចទិញផលិតផលបំបាត់ក្លិនលាមក ឬធ្វើដោយខ្លួនឯងបាននៅផ្ទះ រួមមាន ៖ ប្រើប្រាស់ម្សៅ Baking Soda ចំនួន៤ស្លាបព្រាបាយ, ទឹកក្តៅឧណ្ឌៗ ២ចានចង្កឹះ និងទឹកខ្មេះ ២ចានចង្កឹះ ។

ជំហានដំបូង ត្រូវចាក់គ្រឿងផ្សំទាំងអស់ចូលក្នុងដបដែលមានគម្របសម្រាប់បាញ់ រួចហើយ ក្រឡុកវាឱ្យចូលគ្នា ។ បន្ទាប់មក ត្រូវយកលាមកឆ្កែចេញពីបរិវេណផ្ទះ និងយកដបដាក់គ្រឿងផ្សំមកបាញ់នៅបរិវេណនេះ ។

៣-ម្សៅក្រូចឆ្មារ ៖ ក្លិនស្អុយអាចនៅជាប់ផ្ទះយើងរយៈពេលយូរ បើទោះជាបានសម្អាតលាមកឆ្កែរួចហើយក្តី ។ ហេតុនេះ យើងអាចយកម្សៅក្រូចឆ្មារមករោយពីលើបរិវេណក្លិនស្អុយ ដែលវិធីនេះមានសុវត្ថិភាពសម្រាប់សត្វ និងរុក្ខជាតិ ។

៤-ម្សៅសាប៊ូលាយជាមួយទឹក ៖ វាវិធីងាយស្រួលអាចកម្ចាត់ក្លិនលាមកឆ្កែបានយ៉ាងល្អ គឺយកម្សៅសាប៊ូមកលាយជាមួយទឹក ។ ក្រោយពីយកលាមកឆ្កែចេញពីបរិវេណផ្ទះរួចហើយ ត្រូវយកម្សៅសាប៊ូលាយទឹកនេះមកចាក់ត្រង់កន្លែងមានក្លិន ៕