នៅថ្ងៃទី២៣ ខែកុម្ភៈ សារព័ត៌មាន Dispatch បានបញ្ចេញរូបថតជាច្រើនសន្លឹករបស់តារាសម្តែងកំពុងឡើងកូដ Lee Do Hyun និង Lim Ji Yeon ជាគូស្នេហ៍ណាត់គ្នាដោយគេប្រទះឃើញអ្នកទាំងពីរនៅក្នុងភោជនីយដ្ឋានមួយ។ ទោះបីជា Lee Do Hyun កំពុងបំពេញកាតព្វកិច្ចបម្រើយោធាយ៉ាងណានៅតែឆ្លៀតពេលផ្តល់ភាពកក់ក្តៅដល់គូស្នេហ៍ដែលកំពុងធ្វើឱ្យទស្សនិកជនចាប់អារម្មណ៍ ហើយពួកគេបានលើកឡើងថា មានសង្សារក្មេងគឺពូកែយល់ចិត្តបែបនេះឯង។
ជាមួយគ្នានេះដែរ មានសេចក្តីរាយការណ៍ថាគូស្នេហ៍មួយគូនេះ រីករាយនឹងខ្លួនឯង ហើយមិនខ្វល់ពីការចាប់អារម្មណ៍ពីអ្នកដទៃនោះទេ។ ចំណងស្នេហ៍របស់គូស្នេហ៍មួយគូនេះនៅតែរឹងមាំដដែល។ រូបថតដែលទើបបញ្ចញនេះត្រូវបានសន្និដ្ឋានពីរូបថតដែល Lee Do Hyun ដែលបច្ចុប្បន្នកំពុងបម្រើការក្នុងជួរកងទ័ពកំពុងជួបមិត្តស្រីរបស់ខ្លួនបន្ទាប់ពីទទួលបានវិស្សមកាល។
តារាសម្តែង Lim Ji Yeon អាយុ ៣៣ ឆ្នាំ ត្រូវបានគេស្គាល់ថាជា «Queen of hot scenes» នៅក្នុងប្រទេសកូរ៉េ តាមរយៈខ្សែភាពយន្ត 18+ ។ ភាពស្រស់ស្អាតក៏ត្រូវបានវាយតម្លៃជាវិជ្ជមានសម្រាប់ការសម្ដែងរបស់នាងតាមរយៈខ្សែភាពយន្តជាច្រើនដែលមិនមែនជាភាពយន្ត18+ ។ ចំពោះតារាសម្តែង Lee Do Hyun វិញក្មេងជាងមិត្តស្រីខ្លួន ៥ឆ្នាំ ហើយរូបគេទទួលបានភាពល្បីល្បាញតាមរយៈ Youth of May, 18 Again,និង Hotel Del Luna ជាដើម។.png)
គូស្នេហ៍មួយគូនេះបានចាប់ចិត្តគ្នានៅពេលមានឱកាសសម្តែងក្នុងរឿង The Glory ដែលជាភាពយន្តទទួលបានការគាំទ្រយ៉ាងខ្លាំងពីទស្សនិកជន។ កាលពីថ្ងៃទី១ ខែមេសា ឆ្នាំ២០២៣ Dispatch បានទម្លាយថាអ្នកទាំងពីរមានទំនាក់ទំនងជាមួយគ្នាខណៈតំណាងក្រុមហ៊ុនគ្រប់គ្រងរបស់ទាំងពីរក៏បានបញ្ជាក់ពីទំនាក់ទំនងស្នេហារបស់ពួកគេកំពុងតែស្វែងយល់ចិត្តគ្នាផងដែរ៕
