ភ្នំពេញ ៖ សំណង់ផ្លូវដែកគឺជាជម្រើសនៃមធ្យោបាយដឹកជញ្ជូនដែលមានប្រជាប្រិយភាព ដូចជា៖ ការដឹកជញ្ជូនទំនិញ សំភារៈ ការធ្វើដំណើរ ការកំសាន្ត បែបទេសចរណ៍។

បើយើងក្រឡេកមើលមកជម្រើសក្នុងការប្រើប្រាស់ផ្លូវដែកនៅកម្ពុជាមិនពេញនិយមនៅឡើងទេ ដែលយើងឃើញភាគច្រើនគឺមានការប្រើប្រាស់ក្នុងការដឹកំឲទំនិញពីកំពង់ផែស្វយ័តព្រះសីហនុ និងការជិះកំសាន្តបែបទេសចរណ៍ ភ្នំពេញទីកាន់ខេត្តកំពតនិងក្រុងព្រះសីហនុ។https://blogger.googleusercontent.com/img/b/R29vZ2xl/AVvXsEjcryzTvMD1u1CnZRoZDFgOyZ8s51ww3_H1ZDUd8RHb3ooOQYn6wNMAezwNbkixh4Mhpcl5iI4LczHGtQLfijLdtNogLhUer38NDWJcj_9NjTPZIgvvu_0m3wf4jBdO32H-rok_HKtxiXZjvdGZFcf5Jndm01X6a9pmELK-xBQ5b5MDg7xWJ6ofMZd5/s1280/photo_2023-01-20_17-49-07%20(2).jpg

ផ្លូវដែកកម្ពុជាមិនត្រឹមតែជាមធ្យោបាយដឹកជញ្ជូនទេ តែវាបង្ហាញពីភាពល្អឯកនៃបច្ចេកទេសនៃការសាងសង់ និងស្ថាបត្យកម្មអំពីដែក ពិសេសស្ពានផ្លូវដែកដែលសាងសង់ឆ្លងកាត់ផ្លូវទឹកនានានិងសំណង់ស្ថាបត្យកម្មស្ថានីយ៍នីមួយៗ។

ការកកើតប្រព័ន្ធផ្លូវដែកនៅកម្ពុជា ដំបូងឡើយត្រូវបានកសាងឡើងដោយរដ្ឋអំណាចអាណានិគម នៅឆ្នាំ១៩២៩ សម្រាប់ផ្លូវដែកទី១ នៅកម្ពុជា ដែលមានប្រវែង៣៨៥,០៥ គីឡូម៉ែត្រ ភ្ជាប់ពីភ្នំពេញទៅប៉ោយប៉ែតខេត្តបន្ទាយមានជ័យ និងបានភ្ជាប់ផ្នែកចុងក្រោយជាមួយផ្លូវដែកប្រទេសថៃនៅឆ្នាំ១៩៤២ និងត្រូវបែងចែកការសាងសង់ជា៖

o ភ្នំពេញ-ពោធិ៍សាត់ សាងសង់ពីឆ្នាំ១៩២៩ ដល់១៩៣១ ប្រវែង១៦៦គីឡូម៉ែត្រ
o ពោធិ៍សាត់-មង្គលបូរី សាងសង់ពីឆ្នាំ ១៩៣១ ដល់១៩៣៣ ប្រវែង១៦៤គីឡូម៉ែត្រ
o មង្គលបូរី-ប៉ោយប៉ែត សាងសង់ពីឆ្នាំ ១៩៣៣ ដល់១៩៤២ ប្រវែង៥៥,០៥គីឡូម៉ែត្រhttps://blogger.googleusercontent.com/img/b/R29vZ2xl/AVvXsEjS7zuQghvObHeBedUidQCZLt3c0F0L4WByISdQ0vp9Y055gNLN6hj3QEnfgz3hlPyWWef4eb9ePN7qeNLXtnUDa_vQp1SX1iV_fg_y_Y3dyfHqPN76EcrszfhNnK616LJm02q78n1qT8gafSUSpzWL7Pe1bhJ4uXB2jegMoqABkBEEoNXknU2XDldH/s638/photo_2023-01-20_17-49-07.jpg

ចំពោះផ្លូវដែកខ្សែទី២ ត្រូវបានកសាងឡើងក្រោមស្នាព្រហស្ថព្រះករុណា ព្រះបាទនរោត្តមសីហនុ នាសម័យសង្គមរាស្រ្តនិយម ដែលភ្ជាប់ពីភ្នំពេញទៅកាន់តំបន់មាត់សមុទ្រប្រទេសកម្ពុជា ដែលមានប្រវែង២៦៦គីឡូម៉ែត្រ ដែលត្រូវបែងចែកការសាងសង់ជាបីដំណាក់កាល គឺ៖

o ភ្នំពេញ-តាកែវ សាងសង់បីឆ្នាំ ១៩៦០ ដល់ឆ្នាំ១៩៦៦ ប្រវែង៧៥គីឡូម៉ែត្រ
o តាកែវ-កំពត សាងសង់ពីឆ្នាំ១៩៦៦ ដល់ឆ្នាំ១៩៦៧ ប្រវែង៩២គីឡូម៉ែត្រ
o កំពត-ស្ថានីយ៍ខេត្តព្រះសីហនុ និងដល់កំពង់ផែព្រះសីហនុ សាងសង់ពីឆ្នាំ១៩៦៧ ដល់១៩៦៩ ប្រវែង៩៩គីឡូម៉ែត្រ៕https://blogger.googleusercontent.com/img/b/R29vZ2xl/AVvXsEhs5j2ZyZT7p11tZmT9g6jj8sdBXgu_BaL6364H8Sja-A6_wpjP6y5lJ5XMnQfe7rkvr47Z9fFKh5B4xIdDqbcE8IIHcobujQn5dAtx0D1mgFTZ6PmZ969qyPju70a0tYLfgHQgKDAhQH_ooVLcx5VtrQrM1xx7Z4tBIKCMX6eaRJMD1jjONccRnbTJ/s1280/photo_2023-01-20_17-49-08%20(2).jpghttps://blogger.googleusercontent.com/img/b/R29vZ2xl/AVvXsEguZpJDg1MJo0Ysg8vnu6V0CYcwPQtOOoVgEa4QJiF3lpx53FfiWR4n2W7ZP1O3NkkStQ9Jjl8lFKdeezGFCLyFwzrHUBHKJaunfJMTafkwc9djVGfIbAE2tLNbxe-ZYRVfMCDxkBSlCg-q51byrJikCm1XGyHaNGtDsAJANxED1PZQ8DNRhj-N8V22/s637/photo_2023-01-20_17-49-08.jpg