នៅពេលក្បាលពោះឡើងខ្លាំងមិនត្រឹមប៉ះពាល់ដល់រូបរាងខាងក្រៅទេ ថែមទាំងប៉ះពាល់ដល់សុខភាពថែមទៀត។ ដូច្នេះប្រសិនបើប្រិយមិត្តចង់រក្សាចង្កេះឲ្យនៅស្លីមស្អាត អាចសាកជាមួយអាហារ៥ប្រភេទនេះ។
១ ឆៃថាវ
បន្លែនេះសម្បូរជាតិកាកសសៃ ជួយឲ្យឆាប់ឆ្អែត កាត់បន្ថយការឃ្លាន និងគ្រប់គ្រងជាតិខ្លាញ់បានល្អ។ សូម្បីតែអ្នកឯកទេសផ្នែកតមអាហារ ក៏ណែនាំឲ្យហូបឆៃថាវដែរ ព្រោះវាសម្បូរដោយវីតាមីន A, C រួមផ្សំជាមួយនឹងជាតិទឹកច្រើន បន្សាបជាតិពុលក្នុងរាងកាយ ហើយក្នុងពេលជាមួយគ្នា ក៏ជួួដុតកាឡូរីនៅបរិវេណក្បាលពោះបានល្អផងដែរ។
២ ផ្ទី
បន្លែនេះត្រូវបានអ្នកជំនាញវាយតម្លៃថាសម្បូរជីវជាតិច្រើន រួមមានវីតាមីន A, C, K ដែលជួយពង្រឹងប្រព័ន្ធភាពស៊ាំ បង្កើតខូឡាជែនផងដែរ។ លើសពីនេះ បន្លែផ្ទីផ្ទុកដោយសារធាតុ Carotenoids មានឥទ្ធិពលប្រឆាំងអុកស៊ីតកម្ម រារាំងការរិកសាយនៃកោសិកាសាហាវ។
៣ ប្រូខូលី
ការសិក្សាមួយចំនួនបង្ហាញថា ស្ពៃប្រូខូលីផ្ទុកត្រឹម 25កាឡូរី/១០០g ដែលមិនជួយឲ្យញ៉ាំទៅធាត់សម្បូរជាតិកាកសសៃ សក្តិសមសម្រាប់អ្នកចង់សម្រកគីឡូនិងក្បាលពោះយ៉ាងល្អ។ លើសពីនេះ សម្រួលដល់ការទល់លាមក ដែលល្អសម្រាប់សុខភាពពោះវៀន។
៤ ការ៉ុត
បន្លែពណ៍ទឹកក្រូចនេះសម្បូរដោយវីតាមីន ជីវជាតិដែលល្អសម្រាប់សុខភាព។ បន្ថែមពីនេះ ការ៉ុតមានជាតិខ្លាញ់ទាប ជាតិស្ករទាប ហើយជាតិកាកសរសៃខ្ពស់ រួមទាំងសារជាតិរ៉ែនិងវីតាមីនដែលជួយឲ្យរាងកាយឆ្អែតបានយូរ។ សម្រាប់អ្នកចង់សម្រកគីឡូ អាចកិនជាទឹកការ៉ុតផឹកក៏ងាយស្រួលផងដែរ។
៥ ផ្សិត
មានជាតិប្រៃទាប មិនសូវមានជាតិខ្លាញ់ដែលអ្នកចូលចិត្តហូបបន្លែជាច្រើនមិនអាចខកខានបាន។ អ្នកជំនាញបាននិយាយថា បន្លែផ្សិតសក្តិសមបំផុតសម្រាប់អ្នកចង់សម្រកគីឡូ ចង់សម្រកក្បាលពោះ ព្រោះសម្បូរដោយប្រូតេអ៊ីន ជួយពង្រឹងប្រព័ន្ធសាច់ដុំ ប្រព័ន្ធរំលាយអាហារយ៉ាងមានប្រសិទ្ធភាព៕
