អង្គការសហប្រជាជាតិ រួមជាមួយ សហភាពអឺរ៉ុបបានធ្វើការថ្កោល ទៅលើការសម្រេចចិត្តរបស់នាយកក្រុមហ៊ុនថ្មីលោក Ellon Musk ក្រោយការបិទគណនីរបស់អ្នក សារព័ត៌មាន សំខាន់ៗមួយចំនួននៅលើប្រព័ន្ធផ្សព្វផ្សាយសង្គម Twitter។
នៅក្នុងចំណោមអ្នកដែលត្រូវបានគេបិទគណនីនេះ រួមមាន អ្នកយក ព័ត៌មាន មកពីរបស់គេហទំព័រ Washington post CNN និង New York times ផងដែរ។
អ្នកនាំពាក្យម្នាក់ប្រចាំក្រុមហ៊ុន បានចេញមុខបកស្រាយ អំពីការបញ្ឈប់នេះកើតឡើងដោយសារការចែករំលែកទីតាំងឯកជនពីសំណាក់គេហទំព័រព័ត៌មាន។ អង្គការសហប្រជាជាតិបានបញ្ចេញមតិទៅលើបញ្ហានេះ នៅក្នុងសារមួយដោយនិយាយថា សេរីភាពប្រព័ន្ធផ្សព្វផ្សាយ មិនមែនជារបស់លេងនោះទេ ខណៈដែលសហភាពអឺរ៉ុប កំពុង ធ្វើការគំរាមទៅលើ Twitter ។
អគ្គលេខាធិការអង្គការសហប្រជាជាតិ ទទួលបន្ទុកទំនាក់ទំនងពិភពលោកបាននិយាយថា “បញ្ហានេះធ្វើអោយមានការរំខានយ៉ាងខ្លាំងដោយសាររបាយការណ៍ព័ត៌មានជាច្រើនត្រូវបានព្យួរចោល”។
លោកស្រីបានលើកឡើងថា “សារព័ត៌មានគឺជាគ្រឹះដ៏សំខាន់ នៅក្នុងសង្គមប្រជាធិបតេយ្យ និងជាឧបករណ៏ប្រឆាំងរាល់ ព័ត៌មាន មិនពិតដែលអាចបង្កជាគ្រោះថ្នាក់”។ ចំណែកស្នងការ សហភាពអឺរ៉ុបលោកស្រី Vera Jourova បានគំរាមTwitter ជាមួយនិងការដាក់ទណ្ឌកម្មក្រោមច្បាប់សេវាកម្មឌីជីថលអឺរ៉ុប ដោយលើកឡើងថា “Ellon Musk កំពុងឆ្លងកាត់ច្បាប់បន្ទាត់ ក្រហមនិងត្រូវដាក់ទណ្ឌកម្មឆាប់ៗនេះ”។
ក្រៅពីនេះ Twitter ក៏បានបិទគណនីអ្នកប្រើប្រាស់ដែល បានចែករំលែក Link ពីកម្មវិធីប្រព័ន្ធផ្សព្វផ្សាយMastodon ដែលធ្លាប់តែជាការចែករំលែកមួយនៅក្នុងបណ្តាញសារព័ត៌មានTwitter ផងដែរ៕
ប្រភព៖ Republic World
