YouTubeer ជនជាតិចិនម្នាក់បានធ្វើការបង្កើត iPhone អេក្រង់បត់ដោយបានយកគ្រឿងផ្សេងៗមកផ្គុំចូលគ្នា ដោយក្នុងនោះយើងឃើញថាមានគ្រឿងក្នុងរបស់ iPhone ជាមួយនឹងផ្នែកខ្លះរបស់ Motorola Razr។
គេបានយកគ្រឿងក្នុងរបស់ iPhone X ទៅផ្គុំគ្នាជាមួយនឹងទូរស័ព្ទ Motorola Razr ដែលវាមានត្រចៀកអាចបត់បាន។ លើសពីនេះទៀតចំពោះដំណើរការមួយនេះវាមិនមែនជារឿងងាយស្រួលទេ ដោយគេបានចំណាយពេលរហូតដល់ទៅជាង២០០ថ្ងៃឯណោះ ហើយចំពោះអេក្រង់វិញក៏មិនមែនចំណាយអស់តិចដែរ ពោលគឺមិនតិចជាង ៣៧ប្រភេទផ្សេងៗគ្នាទេ ដែលភាគច្រើនអេក្រង់ទាំងអស់នោះពេលដែលគេគាស់ចេញមកគឺមានការបែកបាក់និងខូចជាដើម។
ចុងក្រោយបន្ទាប់ពីគេបានផ្គុំគ្រឿងវាចូលគ្នារួចរាល់គេបានដាក់ឈ្មោះវាថា iPhone V ហើយដំណើរការទៅដោយ iOS ប៉ុន្តែចំពោះអេក្រង់របស់វាវិញគឺបត់បានតែពាក់កណ្តាលតែប៉ុណ្ណោះ គេមិនអាចធ្វើឱ្យវាបត់បានជិតដូចនឹងទូរស័ព្ទបត់មួយចំនួនទេ ដូចជា Galaxy Z Flip៕
ប្រភព៖ Mac Rumors