កាលពីថ្មីៗនេះ មហាសេដ្ឋីលំដាប់ពិភពលោក លោក Elon Musk បានទិញ បណ្ដាញសង្គម Twitter ក្នុងតម្លៃ ៤៤ពាន់លានដុល្លារ នៅដើមខែវិច្ឆិកា។
ក្រោយតែពីចូលកាន់ដំណែងជា CEO មិនទាន់បាន១អាទិត្យស្រួលបួលផល Twitter ហាក់បីដូចបាត់ប្រជាប្រិយបន្តិចម្តងៗ ដោយតារាល្បីៗជាច្រើនបាននាំគ្នាបិទគណនីរបស់ខ្លួនចោល។
ជាក់ស្តែងអតីតគូស្នេហ៍របស់ Elon Musk អ្នកនាង Amber Heard ក៏បានបិទគណនីរបស់ខ្លួនឯងចោលផងដែរ។ លើសពីនេះទៅទៀតតារាមូឌែលស្រី កំពុងមានកេរ្តិ៍ឈ្មោះបោះសំឡេង Gigi Hadid ក៏បានបិទគណនីរបស់ខ្លួន និងបានបង្ហោះសារនៅក្នុង Instagram ឌឺដងទៅកាន់ Elon Musk ថា “Twitter លែងជាកន្លែងដែលមានសុវត្ថិភាព និងគ្រោះថ្នាក់នាពេលខាងមុខ ហើយនាងមិនចង់ធ្វើជាចំណែកលើបណ្ដាញសង្គមមួយនេះទៀតទេ។”
ក្រៅពីអ្នកទាំង២ ក៏នៅមានតារាល្បីៗមួយចំនួនទៀតផងដែររួមមាន៖
- អ្នកនិពន្ធ David Simon
- តារាសម្ដែង Alex Winter
- តារាសម្ដែង Laura Benanti
- តារាសម្ដែង Ken Olin
- តារាចម្រៀង Toni Braxton
- តារាសម្ដែង Jameela Jamil
- តារាចម្រៀងនិងជាអ្នកនិពន្ធបទចម្រៀង Sara Bareilles
ប្រភព៖ CBS