ត្រីឆ្លាម គឺជាត្រីមួយប្រភេទ ដ៏គ្រោះថ្នាក់នៅក្នុងទឹក ដែលពួកវាមានមិនក្រោម៥០ប្រភេទនោះទេ។ ក្នុងនោះត្រីឆ្លាម ដែលលឿនជាគឺមានឈ្មោះថាShortfin Mako ។
ត្រីឆ្លាម Shortfin Mako អាចហែលបានល្បឿនដល់ទៅ ៧៤ គីឡូម៉ែត្រក្នុងមួយម៉ោង ហើយខ្លះដល់ទៅ ៩៦ គីឡូម៉ែត្រក្នុងមួយម៉ោង។ វាមានរាងកាយស្រលូនរលោង ដែលធ្វើអោយវាហែលបានលឿនដោយគ្មានឧបសគ្គ។ ស្បែក ឬស្រកា ឬព្រុយ ដែលគ្របដណ្តប់លើខ្លួនត្រីឆ្លាម Mako មានទំហំតូច និងអាចបត់បែនបានយ៉ាងល្អ កំឡុងពេលហែល។
ត្រីឆ្លាមនេះ ជាមធ្យមមានប្រវែង ៣ ម៉ែត្រ និងទម្ងន់ ១៣៦ គីឡូក្រាម ប៉ុន្តែត្រីនេះធំបំផុត មានទម្ងន់ដល់ទៅច្រើនជាង ៤៥៣ គីឡូក្រាម។ នៅពីក្រោមខ្លួន Mako មានពណ៌ទឹកប្រាក់ និងពណ៌ខៀវភ្លឺនៅខាងលើខ្លួន។
ដោយឡែកមចំពោះការបន្តពូជវិញ ត្រីឆ្លាមឈ្មោលអាចបន្តពូជបាននៅអាយុ៨ ឆ្នាំ ឬច្រើនជាងនេះ និងត្រីឆ្លាមញីចំណាយពេលយ៉ាងហោចណាស់ក៏១៨ឆ្នាំ។
គួរបញ្ជាក់ផងដែរថា វត្តមានត្រីឆ្លាមដ៏លឿនជាងគេនេះ មានតែនៅ មហាសមុទ្រអាត្លង់ទិច ប៉ាស៊ីហ្វិក និងឥណ្ឌា តែប៉ុណ្ណោះ៕
ប្រភព៖ OCEAN