ប្រទេសថៃ៖ តាមការឱ្យដឹងក្នុងពេលថ្មីៗនេះអត្រាប្រាក់បាតបានធ្លាក់ថ្លៃជាខ្លាំងរហូតទៅដល់ ៣៨បាតក្នុង ១ដុល្លារ ដែលជាការធ្លាក់ចុះខ្លាំងជាលើកដំបូងក្នុងរយៈពេល១៦ឆ្នាំ ហើយគេបានវាយតម្លៃថាប្រាក់បាតនឹងបន្តធ្លាក់ចុះបន្ថែមទៀតនៃរូបិយប័ណ្ណ។
នៅយប់ថ្ងៃទី ២៧ ខែកញ្ញា ឆ្នាំ២០២២ ប្រាក់បាតបានធ្លាក់ចុះដល់ ៣៨ បាតក្នុង ១ដុល្លារ នេះគឺជាកម្រិតដែលមិនធ្លាប់មានពីមុនមកក្នុងរយៈពេល ១៦ ឆ្នាំ ២ ខែចាប់តាំងពីថ្ងៃទី ២៦ ខែកក្កដា ឆ្នាំ ២០០៦។
ការធ្លាក់ថ្លៃនៃប្រាក់បាតនៅតែជាផ្នែកមួយដោយសារតែការឡើងថ្លៃនៃប្រាក់ដុល្លារ សន្ទស្សន៍ប្រាក់ដុល្លារបានកើនឡើងដល់កម្រិត ១១៩ ពិន្ទុដែលបណ្តាលឱ្យមានរូបិយប័ណ្ណផ្សេងៗ ធ្លាក់ថ្លៃដូចគ្នា។
ទោះយ៉ាងណានៅខាងប្រាក់បាតថៃ វិនិយោគិននឹងកំពុងតាមដានលទ្ធផលនៃកិច្ចប្រជុំគណៈកម្មាធិការគោលនយោបាយរូបិយវត្ថុរបស់ធនាគារកណ្តាលថៃ (MPC) នៅថ្ងៃនេះ (ថ្ងៃទី ២៨ ខែកញ្ញា) ដោយភាគច្រើនគេរំពឹងលើកិច្ចប្រជុំនេះថា MPC នឹងបន្តដំឡើងអត្រាគោលនយោបាយបន្តិចម្តងៗដល់ ០.២៥ភាគរយ ទៅ ១ភាគរយវិញ ចំពេលមានសម្ពាធពីអតិផរណាខ្ពស់ និងការបន្តធ្លាក់ថ្លៃនៃប្រាក់បាត។
លើសពីនេះ MPC នៅតែចាត់ទុកស្ថិរភាពអត្រាធ្លាក់ថ្លៃនេះគឺជាបញ្ហារយៈពេលខ្លី ហើយនៅមានពេលវេលាដើម្បីតាមដានស្ថានការណ៍ និងផ្លាស់ប្តូរគោលនយោបាយរូបិយវត្ថុនាពេលខាងមុខបាន។
យ៉ាងណាមិញ អតិផរណា និងតួលេខសេដ្ឋកិច្ចអាមេរិកត្រូវតែស្នើត្រួតពិនិត្យ ព្រោះវាជាផលប៉ះពាល់ដល់ទំនោរនៃការដំឡើងអត្រាការប្រាក់របស់ Fed និង ប្រាក់ដុល្លារ រួមទាំងសមតុល្យគណនីចរន្តរបស់ប្រទេសថៃដែលនឹងប៉ះពាល់ដល់និន្នាការនៃប្រាក់បាតនាពេលអនាគតផងដែរ៕ ប្រភព៖ thethaiger
