មិនមែនមនុស្សប្រុសសុទ្ធតែងាយលង់ស្រឡាញ់ជាមួយនឹងមនុស្សស្រីទាំងអស់ទេ ។ ចុះអ្នកដឹងទេថា មនុស្សប្រុសមិនចូលចិត្តមនុស្សស្រីប្រភេទណា?
* មនុស្សស្រីដែលសុំាញុំាជ្រុល
មនុស្សស្រីដែលទាក់ទាញបំផុតគឺជាមនុស្សស្រីដែលបង្ហាញពីភាពថ្លៃថ្នូរ ប៉ុន្តែបើមនុស្សស្រីដែលពូកែតែខាងវែកញែក សួរនាំច្រើនហួសហេតុពេក ដឹងតែមនុស្សប្រុសណាយចិត្តមិនខាន ព្រោះគេមិនចង់អោយនរណាម្នាក់ មកត្រួតត្រាសព្វគ្រប់បែបយ៉ាងចំពោះគេនោះទេ ។
• តាំងខ្លួនជាម៉ែឪ
មនុស្សប្រុសមិនចូលចិត្តអោយមនុស្សស្រីណាមកតាំងខ្លួនជាម្តាយរបស់គេទេ ព្រោះគេធំហើយ មិនត្រូវការអ្នកមកគ្រប់គ្រង ចាត់ចែងលើជីវិតរបស់គេបន្តទៀតទេ តែគេត្រូវការបំផុតមនុស្សដែលយល់ចិត្ត។
• សិចស៊ីជ្រុល
ជាក់ស្តែងមនុស្សប្រុសចូលចិត្តមើលមនុស្សស្រីសិចស៊ីវាជាការពិត ប៉ុន្តែមិនប្រាកដថា គេនឹងជ្រើសរើសយកមនុស្សស្រីដែលចូលចិត្តស្លៀកពាក់ខោចលើខោចក្រោមទេ ហើយបើគេជ្រើសរើស ក៏គេនឹងមិនសប្បាយនៅពេលដែលមានអ្នកផ្សេងសំលឹងមើលភាពសិចស៊ីរបស់មនុស្សស្រីដែលខ្លួនស្រឡាញ់ដែរ៕
