ខេត្តកំពង់ចាម : ទីតាំងសង្វៀនជល់មាន់ និង អាប៉ោង ១កន្លែង នៅចំណុចមាត់ព្រែកសណ្ដាយ ស្ថិត ក្នុងភូមិរកាកោងត្បូង ឃុំមហាលាភ ស្រុកកោះសូទិន ខេត្តកំពង់ចាម ត្រូវបានកម្លាំងសមត្ថកិច្ចបង្ក្រាប កាលពី វេលាម៉ោង ២រសៀល ថ្ងៃទី០៤ ខែមីនា ឆ្នាំ២០២២ ដោយ ឃាត់ខ្លួនក្រុម អ្នកញៀនល្បែងចំនួន២៤នាក់ ដកហូតបានម៉ូតូ៣០គ្រឿង និងវត្ថុតាងមួយ ចំនួនទៀត ។សមត្ថកិច្ច បានឲ្យដឹងថា ប្រតិបត្តិការនេះ ធ្វើឡើងក្រោយពីមានប្រជាពលរដ្ឋ ភ្លាមនោះ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានបញ្ជាកម្លាំងជំនាញផែនការងារនគរបាលព្រហ្មទណ្ឌ សហការជាមួយកម្លាំងជំនាញរបស់អធិការដ្ឋាននគរបាលស្រុកកោះសូទិន និងអាជ្ញាធរមូលដ្ឋាន ដោយមានការសម្របសម្រួលផ្ទាល់ពីលោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម ចុះបង្រ្កាបតែម្តង ដោយឃាត់ខ្លួនបានមុខសញ្ញាចំនួន២៤នាក់ ដកហូតវត្ថុតាង ម៉ូតូចំនួន៣០គ្រឿង , ប្រាក់រៀល ១ ១៧៧ ០០០រៀល, ប្រាក់ដុល្លារ ១០០០ដុល្លារ ,ទូរស័ព្ទដៃចំនួន ២១គ្រឿង , សម្ភារៈលេង អាប៉ោង , មាន់បញ្ជល់ និងវត្ថុតាងពាក់ព័ន្ធនឹងបទល្មើសមួយចំនួនទៀត។សមត្ថកិច្ច បានបញ្ជាក់ថា ជនសង្ស័យ និងវត្ថុតាង ត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ចាម ដើម្បីធ្វើការសាកសួរ និងកសាងសំណុំរឿងចាត់ការតាមនីតិវិធី ៕
Home ព័ត៌មានជាតិ