ថៃ៖ មហាជនប្រាកដជាបានដឹងរួចមកហើយ ពីការប្រកួត ជ្រើសរើសបវរកញាសម្រាប់តំណាងឱ្យប្រទេសនិមួយៗដើម្បីឈរជើងក្នុងការប្រកួតនៅលើឆាកអន្តរជាតិក្នុងពេលខាងមុខឆាប់ៗនេះ។
យ៉ាងណាមិញកាលពីថ្ងៃទី២៤ ខែ តុលា ឆ្នាំ២០២១ កន្លងទៅនេះ ការប្រកួតជ្រើសរើស Miss Universe ថៃ ឆ្នាំ២០២១ត្រូវបានបញ្ចប់ទៅដោយភាពរីករាយ។ ដោយឡែកសម្រាប់ Miss Universe ដែលបានឈ្នាះនិង ទទួលបានគ្រងម្កុដជា Miss Universe នៅក្នុងការប្រកួតលើឆាកអន្តរជាតិបន្តនោះ បានទៅលើ Anchilee Scott Kemmis មានវ័យ២២ឆ្នាំ ជាកូនកាត់ អូស្រ្ដាលី ថៃ ។ ក្រឡែកទៅមើលសម្រស់របស់នាងវិញពិតជាគួរឱ្យទាក់ទាញនិងលេចធ្លោរខ្លាំងណាស់ ដោយនាងមានទឹកមុខស្រស់ប្រិមប្រិយ គួរឱ្យចាប់អារម្មណ៍ សាកសមនឹងកម្ពស់១.៨៣ សង់ទីម៉ែត្រ និង ទម្ងន់៧១គីឡូក្រាម មិនតែប៉ុណ្ណោះ Anchilee Scott Kemmis ក៏ជានារីដែលមានសមត្ថភាពខ្ពស់នឹកស្មានមិនដល់ជាមួយនឹងការនិយាយភាសាអង់គ្លេសបានយ៉ាងស្ទាត់ជំនាញ ក្នុងនោះនាងធ្លាប់បានឆ្លងកាត់ការសិក្សានិងទទួលបានបរិញាបត្រជាអាជីពតារាម៉ូដែល ក្នុងសាលាសិល្បៈមួយកន្លែង។ ទាំងនេះហើយដែលបានធ្វើឱ្យ Anchilee Scott Kemmis មានភាពលេចធ្លោនិងសាកសមទទួលបានគ្រងម្កុដជា Miss Universe ក្នុងឆ្នាំនេះ៕