ខេត្តព្រះសីហនុ៖ រូបភាពពីកាមេរ៉ាសុវត្ថិភាព រថយន្តធំមួយគ្រឿងបុកម៉ូតូ ហើយបើករត់គេច បណ្តាលឲ្យក្មេងប្រុសអាយុ១០ឆ្នាំម្នាក់ស្លាប់ និងបងស្រីអាយុ១៥ឆ្នាំម្នាក់ទៀតរងរបួស កាលពីថ្ងៃ០១កុម្ភៈម្សិលមិញ នៅផ្លូវជាតិលេខ៤ ឃ្លាំងលើ សង្កាត់លេខ១ក្រុងព្រះសីហនុ ។
សូមបញ្ជាក់ថា នៅវេលាម៉ោង១៥និង៣០នាទីរសៀល ថ្ងៃទី០១ ខែកុម្ភៈ ឆ្នាំ២០២១ លើផ្លូវ ជាតិលេខ៤ ត្រង់ចំណុច មុខស្ថាននីយ៍ប្រេងPTT ភូមិ២ សង្កាត់លេខ១ ក្រុងព្រះសីហនុ មានគ្រោះថ្នាក់ចរាចរណ៍មួយកើតឡើង បង្កដោយ រថយន្ត ០១គ្រឿង (មិនទាន់ស្គាល់ម៉ាក) មានទិសដៅចេញពីក្រុងព្រះសីហនុ បានបុកប៉ះម៉ូត ០១គ្រឿងម៉ាក SIRUIS ពណ៌ ខ្មៅ គ្មានផ្លាកលេខ អ្នកបើកបរឈ្មោះ ឈិក ស្រីពេជ្រ ភេទស្រី អាយុ ១៥ឆ្នាំ រួមដំណើរដោយប្អូនប្រុសម្នាក់ឈ្មោះ ឈិក សូរិយា អាយុ ១១ឆ្នាំ ស្នាក់នៅបច្ចុប្បន្ន ភូមិ១ សង្កាត់លេខ១ ក្រុងព្រះសីហនុ មានទិសដៅ ស្របគ្នា បណ្ដាលឲ្យ៖
១.,ក្មេងប្រុសឈ្មោះ ឈិក សូរិយា អ្នករួមដំណើរលើម៉ូតូ ស្លាប់នៅនឹងកន្លែងកើតហេតុ សាកសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីយ៍ ២, ឈ្មោះ ឈិក ស្រីពេជ្រ ភេទស្រី អ្នកបើកបរម៉ូតូ រងរបួសស្រាល ។
ក្រោយពេលកើតហេតុរថយន្ត បានបើកបន្តទៅមុខគេចបាត់ពីកន្លែងកើត សមត្ថកិច្ចកំពុងស្រាវជ្រាវរកបន្ត ៕
សូមប្រិយមិត្តអញ្ជើញទស្សនាវីដេអូ ដូចខាងក្រោម៖
