ភ្នំពេញ៖ យោងតាមការបង្ហោះរបស់ លោក ផែង វណ្ណៈ បានឲ្យដឹងថា នៅរសៀលថ្ងៃទី ២៣ ខែវិច្ឆិកា ឆ្នាំ២០២០ មានរថយន្តធុនដ្រា ពណ៌ខ្មៅ បានធ្លាក់លូពេលកំពុងបេីកបរលេីផ្លូវនេរុ ( ២១៥ ) សង្កាត់ផ្សារដើមគ ខណ្ឌទួលគោក ។
តាមការពិនិត្យមេីលកន្លែងដែល កង់រថយន្តធ្លាក់ចូលគឺ មកពីបាក់ស្រុតផ្លូវកៅស៊ូដែលអ៊ុតស្ដេីង និង គ្មានការកិនបង្ហាប់បានត្រឹមត្រូវតាមបទដ្ឋានបច្ចេកទេស ។ សង្ឃឹមថា ខាងសាធារណការ និង ដឹកជញ្ជូន នឹងធ្វើការជួសជុលអោយបានរឹងមាំល្អ កុំអោយមានហេតុការណ៍បែបនេះកេីតឡេីងម្ដងទៀត។
ជាមួយគ្នានេះដែរមបុរសដែលជាម្ចាស់ឡានក៏បានចេញមុខប្រាប់ឲ្យដឹងថា៖«សូមអភ័យទោសអ្នកទាំងអស់គ្នា ខ្ញុំបាទជាម្ចាស់ឡានក្នុងហេតុការណ៌នោះ ខ្ញុំបាទបានឈប់ស្តុប តម្រង់ជួរគ្នា តែនៅសុខៗស្រាប់តែកន្លែងនេះស្រុតបាក់ចុះក្រោមតែម្តង» ដោយ ម្ចាស់រថយន្តក្រវីក្បាល ខំថែទាំរថយន្តយ៉ាងប្រណិត បែរជាបើកបរយឺតល្មមសោះ បែរជាលូស្រុតផុងកង់ក្រោយរថយន្តរបស់គាត់ទៅវិញ ៕
