ក្រុមហ៊ុនអាកាសចរណ៍ធំៗពីរ របស់ប្រទេសជប៉ុន កំពុងកាត់បន្ថយជើងហោះហើរក្នុងស្រុកម្តងទៀតនៅខែកញ្ញា។ នោះក៏ព្រោះតែការកើនឡើងនៃការឆ្លង ជំងឺកូវីត-19 កំពុងធ្វើឲ្យជាប់គាំងជាថ្មីលើការធ្វើដំណើរជុំវិញប្រទេស។ ក្រុមហ៊ុន Nippon Airways និយាយថាក្រុមហ៊ុននឹងកាត់បន្ថយជើងហោះហើរក្នុងស្រុកដែលបានគ្រោងទុកចំនួន ៤៥ ភាគរយនៅខែក្រោយ។ នោះគឺជាការកើនឡើង ២០ ភាគរយនៃចំនួនជើងហោះហើរ ដែលត្រូវបានកាត់បន្ថយបើប្រៀបធៀបនឹងខែសីហា។
ផ្លូវហោះហើរដែលមមាញឹកបំផុតរួមមាន អាកាសយានដ្ឋាន Haneda ក្រុងតូក្យូ ព្រលានយន្តហោះហោះក្រុង Osaka និង Sapporoស្ថិតក្នុងចំណោមព្រលានយន្តហោះដែលរងផលប៉ះពាល់ខ្លាំង។ ក្រុមហ៊ុនអាកាសចរណ៍ជប៉ុនជាច្រើនទៀត គ្រោងនឹងបញ្ឈប់ជើងហោះហើរក្នុងស្រុករបស់ខ្លួនចំនួន ៤៣ ភាគរយ នៅក្នុងឆមាសទីមួយនៃខែកញ្ញា។
ក្រុមហ៊ុនអាកាសចរណ៍ ទាំងពីរបានកាត់បន្ថយជើងហោះហើរក្នុងស្រុករបស់ពួកគេរហូតដល់ទៅ ៨០ ភាគរយ កាលពីខែឧសភា នៅពេលដែលរដ្ឋស្ថិតក្នុងភាពអាសន្នត្រូវបាន ដាក់ដោយសារតែជម្ងឺ COVID- ១៩ ។ បន្ទាប់ពីរដ្ឋាភិបាលបានដកចេញសេចក្តីប្រកាសនេះ នៅចុងខែដដែលនោះប្រជាជនបានចាប់ផ្តើមធ្វើដំណើរកាន់តែច្រើន ហើយក្រុមហ៊ុនអាកាសចរណ៍ បានបន្ធូរបន្ថយការលុបចោលជើងហោះហើររបស់ពួកគេបន្តិចម្តងៗ។ ប៉ុន្តែការឆ្លងជម្ងឺ បានកើនឡើងជាថ្មីម្តងទៀតនៅទូទាំងប្រទេសជប៉ុន។
ជើងហោះហើរក្នុងស្រុកមានចំនួនតិចជាង ៤០ ភាគរយក្នុងអំឡុងពេលរដូវកាលវិស្សម កាលដែលមមាញឹកខ្លាំងនៅពាក់កណ្តាលខែសីហា។ ក្រុមហ៊ុនដឹកជញ្ជូននិយាយថា ក្រុមហ៊ុនមិនបានទទួលការកក់សំបុត្រយន្តហោះច្រើនទេសម្រាប់ខែកញ្ញានេះ។
