ពពែ ជាសត្វមួយប្រភេទងាយស្រួលចិញ្ចឹមបំផុតឆាប់ទទួលបានផល រីកសាយកូនចៅយ៉ាងឆាប់ រហ័ស ស៊ីចំណីមិនរើសមុខអាចចិញ្ចឹមតិច ឬច្រើនទៅតាមលទ្ធភាពរបស់យើង ។ ប្រជាពលរដ្ឋខ្មែរ យើងមួយចំនួនធំប្រកបរបររកស៊ី និងរស់នៅតាមទីជនបទ មានដីទំនេរធំៗ មានស្មៅ យ៉ាងបរិបូណ៍ គួរតែនាំគ្នាចិញ្ចឹម ពពែតាមគ្រួសារឲ្យបានច្រើន ព្រោះវាមានប្រយោជន៍ច្រើនណាស់។
ក្នុងថ្ងៃនេះដែរយើងនឹងធ្វើការចែកជូននូវបច្ចេកទេសខ្លះៗដែលទាក់ទង នឹងការចិញ្ចឹមពពែទទួលបានសាច់ច្រើន ហើយឆាប់បានផល ដូចខាងក្រោម៖
១/. ការជ្រើសរើសពូជពពែសម្រាប់ចិញ្ចឹម
ពពែមានច្រើនពូជ ពូជដែលគេនាំចូលមកក្នុងប្រទេសកម្ពុជាយើងច្រើនជាពូជដែលនាំចូលមកពី ប្រទេសថៃជាពូជដែលគេបានបង្កាត់រួចស្រេចទៅហើយ យើងពិបាកនឹងសន្និដ្ឋានថា ពូជនោះជាពូជ អ្វីឲ្យប្រាកដបានណាស់ តែបើមានលទ្ធភាព និងមានលុយកាក់ល្មអាចរកពូជល្អបាន គួរចំណាយ បន្តិចទៅដើម្បីទិញពូជដែលល្អមកចិញ្ចឹម ។ ការណែនាំស្ដីពីការចិញ្ចឹមពពែតាមគ្រួសារ។
២/. ទ្រុងសម្រាប់ចិញ្ចឹមពពែ៖
– អាចធ្វើទ្រុង ឬចិញ្ចឹមពពែនៅលើដីក៏បាន តែត្រូវចាក់ដីត្រង់ទីដែលត្រូវធ្វើទ្រុងឲ្យវានោះឲ្យបានខ្ពស់ ជាង ដីដែលនៅជុំវិញទ្រុងប្រមាណជា ៣០សង្ទីម៉ែត្រ អាស្រ័យផងដែរទៅលើស្ថានភាពដីដែល យើងបាន និងបរិស្ថានជុំវិញ
– រោងសម្រាប់ពពែរស់នៅត្រូវប្រើស្លឹកសម្រាប់ប្រក់ ព្រោះវាមិនសូវក្ដៅតែបើមានលទ្ធភាពទិញស័ង្ក សីប្រក់នោះកាន់តែប្រសើរ បើគ្មានប្រាក់គ្រប់គ្រាន់ទេ យើងអាចប្រក់ស្លឹក ឬស្បូវក៏បាន
– នៅបាតទ្រុងគួរក្រាលចំបើង ឬអង្កាមធ្វើជាទ្រនាប់ឲ្យបានកម្រាស់ប្រហែល ៣០សង្ទីម៉ែត្រ និងក្រាលចំបើងពីលើមួយជាន់ទៀត
– ត្រូវត្រៀមរៀបចំទីមួយក្នុងរោងនោះសម្រាប់ដាក់មេដែលផើម និងកូន ទើបកើតរបស់វា ដោយ គ្រាន់តែឃាំងវាដោយឡែកពីគេ
៣/. ការផ្ដល់ចំណី៖
– ត្រូវត្រៀមជាមុនឲ្យហើយ ដោយដាំដើមអំពិលទឹក កន្ធុំថេត ស្មៅផ្អែម ស្មៅបារាំង មន ដើមម្រុំ អង្គារដីឲ្យបានច្រើនកន្លែងតាមរបងដី
– ការត្រៀមដើមឈើធ្វើចំណីឲ្យវាជាមុននេះ ដើម្បីជួយផ្ដល់ជាចំណីឲ្យវា ខណៈពេលដែលវាមិនអាច ចេញរកចំណីបាន ដោយសារមានភ្លៀង អាកាសធាតុមិនល្អ និងនៅពេលដែលយើងមិនបានឲ្យវា ចេញរកចំណី ដោយមានរវល់
– ក្រៅពីរុក្ខជាតិទាំងនេះ ត្រូវចេះរកវិធីរៀបចំណីឲ្យផ្សេងទៀត តាមដែលអាចធ្វើទៅបាន និងអាច រកបានក្នុងកន្លែង ឬតំបន់ដែលយើងរស់នៅ
– ពពែមិនចូលចិត្តស៊ីចំណីតែមួយមុខនោះទេ វាចូលចិត្តស៊ីចំណីច្រើនប្រភេទចម្រុះគ្នា វាចូលចិត្ត តែចំណីណាដែលស្អាត មិនផ្អូម ឬមានអាស៊ីដច្រើនឡើយ
– ការដាំស្មៅច្រើនប្រភេទលាយចម្រុះគញនាសម្រាប់ជាចំណី គឺជារឿងមួយចាំបាច់ណាស់ហើយ ត្រូវថែទាំស្មៅនោះឲ្យបានល្អ និងលូតលាស់គ្រប់រដូវកាល ដូច្នេះ គួរមានវិធីសាស្ត្រដែលល្អមួយ ដើម្បីថែរក្សាស្មៅយើងឲ្យមានគ្រប់គ្រាន់សម្រាប់ជាចំណីឲ្យវា ។
