នៅក្នុងស្រះមួយការចិញ្ចឹមត្រីតែមួយមុខនៅមិនទាន់គ្រប់គ្រាន់នៅឡើយទេ គឺការការចិញ្ចឹមត្រីជាមួយខ្យងអាចរកប្រាក់ចំណូលបានច្រើន ព្រោះប្រមូលផលម្ដងៗបាន២មុខ ហើយត្រីពុំសូវមានជំងឺ និងលូតលាស់លឿនជាងចិញ្ចឹម ត្រីតែឯង ។ កសិករអាចសាកល្បងបទ ពិសោធន៍ចិញ្ចឹមត្រីជាមួយខ្យងនេះ ដើម្បីបង្កើនប្រាក់ចំណូល ។
បច្ចេកទេសចិញ្ចឹមមានដូចខាងក្រោម៖
១- ការរៀបចំស្រះដាក់កូនត្រី
-ទំហំស្រះ ១០x ១២x ០,៥ម៉ែត្រ
-បាចកំបោរសរចំនួន១៥គីឡូក្រាម
-ដាក់ទន្រ្ទានខែត្រចំនួន ៤បាច់ធំៗ
-លាមកគោស្រស់ ៤ថង់ ស្មើ ៤០គីឡូក្រាម ។
-ក្រោយរយៈពេល ១៥ថ្ងៃ សង្កេតឃើញមានសត្វប្លង់តុងកើតឡើង ត្រូវព្រលែងកូនត្រីចូលដើម្បី ចិញ្ចឹម ។
២- របៀបដាក់ខ្យងចិញ្ចឹម៖
ក្រោយពេលកូនត្រីដែលបានដាក់ចិញ្ចឹមមានទំហំ ១៥សង្ទីម៉ែត្រ ឬ៤៥ថ្ងៃ ចាប់ផ្ដើមព្រលែងខ្យង ១បង្គីចូល ធ្វើដូចនេះ ដើម្បីជួយឲ្យការលូតលាស់របស់ត្រី និងខ្យងបានល្អព្រមគ្នា ។ ក្រោយពីដាក់ខ្យងត្រូវបន្ថែមនូវចំណីគ្រប់មុខ ដើម្បីជំរុញដល់ការលូត លាស់ ។ ត្រូវដាំដំណាំដូចជា ត្រកួនបណ្ដែតលើទឹកដោតដើមទន្ទ្រានខែត្រសំរាប់ឲ្យខ្យងពងកូន ។
៣- ការប្រមូលផល៖
សំរាប់សត្វខ្យងក្រោយរយៈពេល ៦ខែ អាចប្រមូលផលបានដែលមាន បរិមាណរហូតដល់៩០គីឡូក្រាម ។ ចំពោះត្រីនៅពេលមានអាយុ ៧ខែ អាចប្រមូលផលបានដែល មានប្រមាណរហូតដល់ ៩០គីឡូក្រាម ។
៤- សរុបបច្ចេកទេស៖
-រៀបចំស្រះដោយធ្វើការដាក់រុក្ខជាតិ និងលាមកសត្វដើម្បីបង្កើនប្លង់តុង (ចំណីត្រី)
-ដាក់កូនត្រីចូលទៅក្នុងស្រះឲ្យបានអាយុ ៤៥ថ្ងៃ គាត់ចាប់ផ្ដើមព្រលែងខ្យងចូលទៅក្នុងស្រះ
-ដាក់ចំណីបន្ថែម និងចំរុះចូលទៅក្នុងស្រះ ដើម្បីឲ្យត្រី និងខ្យងស៊ី
-ដាក់ត្រកួន និងទន្ទ្រានខែត្របណ្ដែតទឹកប្រមាណ ២៥ភាគរយ ដើម្បីឲ្យខ្យងពងកូន
-ឧស្សាហ៍ពិនិត្យមើលទឹកស្រះ ដើម្បីកុំឲ្យប៉ះពាល់ដល់សុខភាពត្រី និងខ្យង ៕
