Goofy រងនូវមតិវែ.កញែកក្រោយបកស្រាយបទ «Fly» នៅក្នុងការប្រកួត

អ្នកចម្រៀងរ៉េប Goofy ត្រូវរងនូវមតិវែកញែកពីទឹកដមសំឡេងនិងគុណភាពចម្រៀងបន្ទាប់ពីចូលរួមប្រកួតនៅក្នុងកម្មវិធី «សំឡេងល្អឯកនៃកម្ពុជា»។ មុនការប្រកួត Goofy បានតាំងចិត្តនឹងដណើមជ័យជម្នះប៉ុន្តែគួរឱ្យសោកស្តាយជ័យលោកបានរបូតឱកាសនេះ។ មិនត្រឹមតែ Goofy ដែលរងនូវការរិះគន់ប៉ុណ្ណោះទេតារាចម្រៀង សាទីយ៉ា ក៏ត្រូវបានអ្នកលេងបណ្តាញសង្គមរិះគន់ដូចគ្នា។

ទោះបីការប្រកួត «សំឡេងល្អឯកនៃកម្ពុជា» ក្នុងចំណោមសិល្បករកម្ពុជាចំនួន៧រូបបានបញ្ចប់ហើយក្តីប៉ុន្តែប្រធានបទទាក់ទងនឹងសិល្បករដែលចូលរួមប្រកួត ម្ចាស់ជ័យលាភី រួមទាំងការប្រកួតនេះនៅតែមានការចាប់អារម្មណ៍ពីទស្សនិកជន។ ជាក់ស្តែងបន្ទាប់ពីផេកមួយបានបង្ហោះបទចម្រៀងពេញរបស់ Goofy នៅក្នុងការប្រកួតនេះលើបណ្តាញសង្គមហ្វេកប៊ុកបានធ្វើឱ្យអ្នកលេងអ៊ីនធឺណិតចាប់ផ្តើមវែកញែកនិងនិយាយពីគុណភាពស្នាដៃដែល Goofy យកទៅប្រកួត។

Goofy បានជ្រើសរើសបទដែលមានចំណងជើង «Fly» សម្រាប់ការប្រកួតដើម្បីមានឱកាសតំណាងកម្ពុជាប្រកួតនៅលើឆាកអន្តរជាតិ ដោយអត្ថន័យបទរបស់លោករៀបរាប់ពីដំណើរការតស៊ូនិងការចាប់ផ្តើមម្តងទៀតដែលអាចហោះទៅឆ្ងាយក្នុងនាមជាតារាហ៊ីបហប។ ទោះយ៉ាងណាមិនត្រឹមតែមិនអាចដណ្តើមជ័យលាភីប៉ុណ្ណោះទេប៉ុន្តែមួយបទនេះបានក្លាយជាអាវុធមកកាន់ Goofy វិញដោយសារតែគុណភាពត្រូវបានគេជឿថាមិនសមស្របនិងមានភាពគុណភាពល្អគ្រប់គ្រាន់សម្រាប់ការចូលរួមប្រកួតឡើយ។

ជុំវិញមតិវែកញែកពីការបកស្រាយបទចម្រៀងរបស់ខ្លួន Goofy ពុំបានបកស្រាយឬបង្ហាញសកម្មភាពឆ្លើយតបណាមួយទៅកាន់ទស្សនិកជនឡើយ។

គួរឱ្យដឹងថាសម្រាប់ការប្រកួត «សំឡេងល្អឯកនៃកម្ពុជា» Goofy មិនមែនជាបេក្ខភាពតែម្នាក់ដែលរងនូវការរិះគន់ប៉ុណ្ណោះទេក្នុងនោះតារាចម្រៀង សាទីយ៉ា ក៏រងនូវមតិរិះគន់ដូចគ្នាចំពោះការបកស្រាយបទចម្រៀងរបស់លោក។

ទោះបីជាបរាជ័យទៅលើការប្រកួតក្តីប៉ុន្តែងាកមកជីវិតផ្ទាល់ខ្លួនវិញ Goofy កំពុងមានសុភមង្គលនៅក្នុងគ្រួសារដោយពេលនេះលោកក្លាយជាឪពុកដែលមានកូនបង្កើតចំនួន២នាក់ជាមួយនឹងគូស្នេហ៍ហើយ៕