តារាសម្តែង Jackson Yee បានបង្កើតប្រវត្តិសាស្ត្រដោយក្លាយជាតារាសម្តែងវ័យក្មេងបំផុតដែលបានឈ្នះពានរង្វាន់ «តារាសម្តែងប្រុសល្អបំផុត» នៅក្នុងពានរង្វាន់ភាពយន្តពីរដ៏មានកិត្យានុភាពបំផុតរបស់ប្រទេសចិន គឺពានរង្វាន់ Golden Rooster និងពានរង្វាន់ Hundred Flowers។
នៅល្ងាចថ្ងៃទី ១០ ខែសីហា ពិធីប្រគល់ពានរង្វាន់ភាពយន្ត Hundred Flowers លើកទី ៣៨ បានធ្វើឡើងនៅទីក្រុងប៉េកាំង ប្រទេសចិន។ Jackson Yee បានឈ្នះពានរង្វាន់«តារាសម្តែងប្រុសល្អបំផុត» សម្រាប់តួនាទីរបស់លោកជាតួអង្គមានពិការភាពខួរក្បាលក្នុងរឿង «Big World»។
តារាសម្ដែងដែលកើតក្នុងឆ្នាំ ២០០០ រូបនេះបានក្លាយជាតារាសម្ដែងវ័យក្មេងបំផុតដែលឈ្នះទាំងពានរង្វាន់ Golden Rooster និង Hundred Flowers សម្រាប់តារាសម្ដែងប្រុសឆ្នើម។ កាលពីឆ្នាំមុន Jackson Yee ក៏បានឈ្នះពានរង្វាន់តារាសម្ដែងប្រុសឆ្នើមក្នុងកម្មវិធីប្រគល់ពានរង្វាន់ Golden Rooster Film Awards លើកទី ៣៨ សម្រាប់តួនាទីនេះដែរ។ ពេលទទួលពានរង្វាន់នៅលើឆាក Jackson Yee បាន ថ្លែងសុន្ទរកដោយបង្ហាញពីបំណងចង់បន្តអាជីពសម្ដែងរបស់ខ្លួនឱ្យបានយូរតាមដែលអាចធ្វើទៅបាន។ 
Jackson Yee បានរំលឹកឡើងវិញថា ចាប់តាំងពីចូលប្រឡូកក្នុងវិស័យភាពយន្តជាអ្នកចំណូលថ្មីក្នុងឆ្នាំ ២០១៨ ហើយឥឡូវនេះបានសម្តែងក្នុងខ្សែភាពយន្តចំនួន ១២ រឿង ភាពជោគជ័យរបស់លោកគឺមិនអាចកាត់ផ្តាច់ចេញពីការជឿទុកចិត្ត និងការគាំទ្រពីទស្សនិកជន និងមិត្តរួមការងារក្នុងឧស្សាហកម្មនេះបានឡើយ។ និយាយអំពីតួនាទីរបស់លោកជា Liu Chunhe លោកបានទទួលស្គាល់ថា តួអង្គនេះពិតជាមានការប្រកួតប្រជែងខ្លាំង។ 
តារាសម្តែងជើងចាស់ម្នាក់ធ្លាប់បានប្រាប់លោកថា តួនាទីនេះអាចអស្ចារ្យប្រសិនបើសម្តែងបានល្អ ប៉ុន្តែជាគ្រោះមហន្តរាយប្រសិនបើសម្តែងមិនបានល្អ ដែលធ្វើឱ្យវាកាន់តែពិបាកក្នុងការសម្តែងដោយជោគជ័យ និងទទួលបានការទទួលស្គាល់។ Jackson Yee បាននិយាយថា លោកសង្ឃឹមថានឹងលះបង់ថាមពលបន្ថែមទៀតដើម្បីជីវិត និងការបង្កើតនាពេលអនាគត បន្តស្រឡាញ់ និងថែរក្សាវិជ្ជាជីវៈសម្ដែង និងធ្វើឱ្យស្នាដៃរបស់លោកមានអាយុកាលយូរអង្វែង។.png)
ពានរង្វាន់ Hundred Flowers ប្រើប្រាស់ប្រព័ន្ធបោះឆ្នោតដោយផ្ទាល់ពីចៅក្រមសាធារណៈចំនួន ១០១ រូបនៅនឹងកន្លែង។ លទ្ធផលក៏ត្រូវបានបង្ហាញជាសាធារណៈនៅលើអេក្រង់ធំមួយផងដែរ។ Jackson Yee បានឈ្នះពានរង្វាន់ «តារាសម្តែងប្រុសល្អបំផុត» ដោយមានសំឡេងគាំទ្រ ៤៨ សំឡេងបានយកឈ្នះគូប្រជែងរបស់ខ្លួនរួមមាន Tony Leung , Zhu Yilong, Jackie Chan, Liu Haoran និង Wang Baoqiang ដែលមានសំឡេងគាំទ្រ ០ សំឡេង៕
