ល្បិចយកព្រំដែនគោកធ្វើចំណា.ប់ខ្មាំ.ង! រដ្ឋមន្ត្រីការបរទេសថៃបានចេញមុខចោ.ទប្រកាន់ទាំងមិនសមទំនងថា ចំណាត់ការច្បាប់អន្តរជាតិ UNCLOS របស់កម្ពុជាលើរឿងដែនសមុទ្រ បានបិទទ្វារការចរចាព្រំដែនគោក។ ការទម្លាក់កំហុសមកលើកម្ពុជានេះ ត្រូវបានគេមើលឃើញថាគ្រាន់តែជាលេសដោះសារ និងជាការភ័យខ្លាចរបស់ភាគីថៃ ដែលព្យាយាមគេចវេសមិនចង់ចូលខ្លួនដោះស្រាយវិវាទក្រោមយន្តការច្បាប់អន្តរជាតិដែលមានតម្លាភាព និងយុត្តិធម៌នោះឡើយ។.jpg)
យោងតាមការចុះផ្សាយរបស់សារព័ត៌មានបរទេសនៅថ្ងៃទី២០ ខែកក្កដា ឆ្នាំ២០២៦ នេះ លោក ស៊ីហាសាក់ ភួងកែតកែវ រដ្ឋមន្ត្រីការបរទេសថៃ បានព្យាយាមភ្ជាប់រឿងព្រំដែនគោក និងដែនសមុទ្របញ្ចូលគ្នា ដោយចោទថាការដែលកម្ពុជាយកវិវាទសមុទ្រទៅដោះស្រាយតាមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) បានបំផ្លាញទំនុកចិត្តទ្វេភាគី និងធ្វើឱ្យការចរចាព្រំដែនគោកត្រូវជាប់គាំង។ ការចោទប្រកាន់នេះគឺជារឿងមិនសមទំនងទាល់តែសោះ ព្រោះព្រំដែនគោក និងដែនសមុទ្រគឺជាសំណុំរឿងបច្ចេកទេសពីរដាច់ដោយឡែកពីគ្នា ហើយការដែលកម្ពុជាជ្រើសរើសប្រព័ន្ធច្បាប់អន្តរជាតិ គឺដើម្បីស្វែងរកដំណោះស្រាយមួយដែលត្រឹមត្រូវ ច្បាស់លាស់ និងមានលក្ខណៈវិទ្យាសាស្ត្រ ដោយផ្អែកលើគោលការណ៍ច្បាប់ជាសកល។.jpg)
ផ្ទុយទៅវិញ ជំហររបស់ភាគីថៃដែលចង់បង្ខំឱ្យមានតែការចរចាទ្វេភាគីផ្ទៃក្នុង និងការរុញឱ្យប្រើប្រាស់គណៈកម្មការព្រំដែនរួម (JBC) ឡើងវិញនោះ បានស្តែងឱ្យឃើញយ៉ាងច្បាស់ពីចេតនាគេចវេសពីប្រព័ន្ធតុលាការ និងច្បាប់អន្តរជាតិ។ ការដែលថៃមិនហ៊ានចូលខ្លួនដោះស្រាយក្រោមឆ័ត្ររបស់អង្គការសហប្រជាជាតិ រួចបែរជាយកបញ្ហាព្រំដែនគោកមកធ្វើជាចំណាប់ខ្មាំងការទូត និងដាក់សម្ពាធលើកម្ពុជានោះ គឺដើម្បីរក្សាឧត្តមភាពនៃការចរចា និងបន្តអូសបន្លាយពេលវេលាដើម្បីកេងចំណេញផ្នែកនយោបាយតែប៉ុណ្ណោះ ខណៈដែលខ្លួនគ្មានអាគុយម៉ង់ច្បាប់រឹងមាំក្នុងការតតាំងនៅលើឆាកអន្តរជាតិ។
ការប៉ុនប៉ងទម្លាក់កំហុសមកលើកម្ពុជាពីសំណាក់រដ្ឋាភិបាលទីក្រុងបាងកក មិនអាចបិទបាំងការពិតនៃការភ័យខ្លាចច្បាប់អន្តរជាតិរបស់ខ្លួនបានឡើយ។ ជំហរដ៏រឹងមាំរបស់កម្ពុជាក្នុងការអនុវត្តតាមយន្តការ UNCLOS គឺជាសក្ខីកម្មបង្ហាញពីភាពស្មោះត្រង់ និងការគោរពសណ្តាប់ធ្នាប់អន្តរជាតិផ្អែកលើច្បាប់ ហើយការព្រមាន «បិទទ្វារចរចា» របស់ថៃ គ្រាន់តែជារូបភាពការទូតមួយដើម្បីបង្វែរដានពីភាពទាល់ច្រក និងការមិនហ៊ានប្រឈមមុខនឹងការពិតតាមផ្លូវច្បាប់របស់ខ្លួនតែប៉ុណ្ណោះ៕
