ក្រៅពីកោះត្រល់ កម្ពុជាបាត់បង់កោះធំមួយទៀតទៅឱ្យវៀតណាម

ស្ថិតក្រោមអាណានិគមបារាំង កម្ពុជាបានបាត់បង់ទឹកដីជាច្រើនឱ្យទៅវៀតណាម រាប់ចាប់ពីទឹកដីកម្ពុជាក្រោម និងកោះត្រល់។
ក្រៅពីដែនដីធំទាំង២នេះ កម្ពុជា ក៏បានបាត់កោះត្រឡាច ដែលបច្ចុប្បន្នវៀតណាមហៅថា កូងដាវ ឬ (Côn Đảo)។
ប្រជុំកោះត្រឡាច មានផ្ទៃក្រឡាសរុបប្រមាណ ៧៦ គីឡូម៉ែត្រការ៉េ តែបើតាមឯកសារខ្លះបញ្ជាក់ថាអាចមានទំហំដល់១៥០គីឡូម៉ែត្រការ៉េ បើគិតទាំងប្រជុំកោះតូចៗចំនួន១៦ ថែមទៀត។
កោះត្រឡាច ធ្លាប់ជាគុកនយោបាយរបស់អាណានិគមបារាំង ដែលបានចាប់ជនស្នេហាជាតិខ្មែរ ប្រឆាំងជាមួយបារាំងទៅឃុំឃាំង។
កោះនេះ ត្រូវបានបាត់បង់អធិបតេយ្យភាពពីទឹកដីខ្មែរទៅក្រោមអាណានិគមបារាំង នៅពេលដែលព្រះមហាក្សត្រយួន (រាជវង្សង្វៀង) បានចុះកិច្ចព្រមព្រៀងប្រគល់កោះនេះឱ្យអធិរាជបារាំងនៅ ថ្ងៃទី ៥ ខែមិថុនា ឆ្នាំ ១៨៦២។ ក្រោយមកបារាំងបានបន្តកាត់កោះនេះឱ្យស្ថិតក្រោមការគ្រប់គ្រងរដ្ឋបាលរបស់វៀតណាម៕