ផ្ទុះការវែកញែករឿងសីលធម៌សង្គម ក្រោយយុវជនសម័យឌីជីថលមួយចំនួនចាត់ថា ការបង្ហាញការគោរពទៅកាន់គ្រូបាអាចារ្យ គឺជាសញ្ញានៃការ «អែបអប»។ ថ្មីៗនេះ ប្រតិកម្មយ៉ាងក្តៅគគុកបានផ្ទុះឡើងពាសពេញបណ្តាញសង្គម ក្រោយពេលមានការចែកចាយវីដេអូរបស់យុវជនផលិតមាតិកាម្នាក់ ដែលលើកឡើងពីបទពិសោធន៍ផ្ទាល់ខ្លួនកាលរៀនវិទ្យាល័យ ដែលមហាជនយល់ថាមានខ្លឹមសារមិនសមរម្យ ខ្វះក្រមសីលធម៌ និងជាការជំរុញឲ្យយុវជនផ្សេងទៀតយកគម្រូតាមខ្លួន។
ឫសគល់នៃការផ្ទុះវែកញែកយ៉ាងចាស់ដៃពីសំណាក់សាធារណជននេះ បានចាប់ផ្តើមឡើងបន្ទាប់ពីយុវជន Chen Radee (ឈាន រ៉ាឌី) ដែលជាអ្នកផលិតមាតិកាម្នាក់ បានបង្ហោះវីដេអូរៀបរាប់ពីបទពិសោធន៍រៀនថ្នាក់ទី១២ របស់ខ្លួន។ នៅក្នុងវីដេអូនោះ រូបលោកបានអះអាងច្បាស់ៗថា ខ្លួនមិនចាំឈ្មោះលោកគ្រូអ្នកគ្រូដែលធ្លាប់បង្រៀនខ្លួនសូម្បីតែម្នាក់ឡើយ។ ជាងនេះទៅទៀត លោកបានរិះគ.ន់ប្រព័ន្ធរៀនគួរ ដោយវាយតម្លៃជារួមថា ការដែលសិស្សានុសិស្សទៅរៀនគួរបន្ថែមម៉ោង គឺគ្រាន់តែជាការទៅ «អែបអបគ្រូ» ដើម្បីទទួលបានវិញ្ញាសា ឬចម្លើយមុនពេលប្រឡងតែប៉ុណ្ណោះ។.png)
អ្វីដែលធ្វើឱ្យអ្នកលេងបណ្តាញសង្គម និងអ្នកជំនាញផ្នែកអប់រំមានការហួសចិត្ត និងព្រួយបារម្ភបំផុតនោះ មិនមែនមានត្រឹមតែការបញ្ចេញមតិផ្ទាល់ខ្លួនរបស់ Chen Radee នោះទេ ប៉ុន្តែគឺរូបភាពនៃផ្នត់គំនិតគាំទ្ររបស់យុវជនជាច្រើនផ្សេងទៀត។ នៅក្រោមការបង្ហោះនោះ មានយុវជនវ័យក្មេងមួយក្រុមធំបានចូលទៅខម្មិនសម្តែងការគាំទ្រ យល់ស្រប និងយល់ថាការមិនចាំឈ្មោះគ្រូ ឬមានការប្រាស្រ័យទាក់ទងជាវិជ្ជមានជាមួយគ្រូជារឿងធម្មតាក្នុងសម័យបច្ចុប្បន្ន។ រូបភាពទាំងនេះបានស្តែងឱ្យឃើញយ៉ាងច្បាស់ពីការធ្លាក់ចុះនៃវប្បធម៌ «គ្រូស្រឡាញ់សិស្ស សិស្សគោរពគ្រូ» ដែលជាគ្រឹះសីលធម៌ដ៏រឹងមាំរបស់សង្គមជាតិកន្លងមក។.jpg)
ការមិនឱ្យតម្លៃលើគ្រូបង្រៀន និងការវាយប្រហារលើការខិតខំប្រឹងប្រែងរបស់លោកគ្រូអ្នកគ្រូទូទាំងប្រទេស បានបង្កើតជាយុទ្ធនាការរិះគន់យ៉ាងចាស់ដៃពីសំណាក់មហាជនទូទៅ។ ពលរដ្ឋជាច្រើនបានសម្តែងការមិនពេញចិត្ត និងបានធ្វើការណែនាំដាស់តឿនទៅកាន់យុវជនទាំងឡាយឱ្យភ្ញាក់រលឹកឡើងវិញ ដោយពួកគាត់សង្កត់ធ្ងន់ថា «គ្រូបង្រៀនគឺជាឪពុកម្តាយទីពីរ» ដែលផ្តល់ចំណេះដឹងឱ្យយើងស្គាល់ខុសត្រូវ។ ជាមួយគ្នានេះ សាធារណជនបានអំពាវនាវឱ្យមានការរួមគ្នារឹតបន្តឹងការអប់រំសីលធម៌ឡើងវិញ ទាំងពីសំណាក់អាណាព្យាបាល និងសាលារៀន ដើម្បីការពារកុំឱ្យមាតិកាខ្វះការពិចារណារបស់ Content Creator ឬអ្នកផលិតមាតិការមួយចំនួន បន្តអូសទាញផ្នត់គំនិតយុវជនជំនាន់ក្រោយឱ្យដើរផ្លូវខុស និងខ្វះមនសិការតទៅទៀត៕
